18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Ճիշտ չէ, որ պատերազմը հնարավոր չէր հաղթել․ կոպիտ սխալները մեզ հասցրին պարտության․ Յուրի Խաչատուրով. ՏԵՍԱՆՅՈՒԹ
Քաղաքականություն
08.06.2021 | 12:12
Արցախյան վերջին պատերազմում տարած պարտության գլխավոր պատճառն այն է, որ ՀՀ զինված ուժերն այդպես էլ չբերվեց լիարժեք մարտական պատրաստության։ Գորիսում «Հայաստան» դաշինքի կազմակերպած հանրահավաքի ժամանակ նման հայտարարություն արեց ՀԱՊԿ նախկին գլխավոր քարտուղար, ՀՀ ԳՇ նախկին պետ, գեներալ – գնդապետ Յուրի Խաչատուրովը։
«Եթե պաշտպանության բանակը բերվեր լիարժեք մարտական պատրաստության, զբաղեցներ բոլոր սահմանները, դիրքերը, բոլոր զորքերը տեղակայվեին, զորանոցներում մարդիկ չէին լինի, այգիներում տեխնիկա չէր լինի, պատերազմի սկիզբը բոլորովին այլ կլիներ», – ասաց Խաչատուրովը:
Գեներալի խոսքով` սխալ էր նաև Լելե Թեփեի ուղղությամբ ձեռնարկած հակահարվածը։ Մեկ այլ բացթողում էր առաջին բանակային կորպուսի գործարկումը ռազմական գործողությունների առաջին իսկ օրերից։ Նրա կարծիքով` այն պետք է պահվեր որպես պահեստային ուժ։
Խաչատուրովը հերքեց ներկայիս իշխանությունների այն թեզը, թե պատերազմի ելքը պարտությունն էր, որը նախապես կանխորոշված էր։
«Ճիշտ չէ, որ պատերազմը հնարավոր չէր հաղթել․ կոպիտ սխալները մեզ հասցրին պարտության»,- ընդգծեց Խաչատուրովը:
Նրա խոսքով`վերջին 3 տարիներին թուլացած բանակը նույնիսկ կարող էր պատերազմում հաղթանակ տանել կամ վատագույն դեպքում կանգնեցնել պատերազմը, բայց ոչ ՀՀ պետական սահմաններին այսքան մոտ։
Մանրամասները՝ տեսանյութում:
