17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
Ընտրություններին մասնակցող ուժերի թիվը մեկով պակասեց
Քաղաքականություն
08.06.2021 | 10:44
«Հայոց Արծիվներ, միասնական Հայաստան» կուսակցության ղեկավար Խաչիկ Ասրյանը Հանրային հեռուստաընկերության եթերում հայտարարել է, որ իր կուսակցությունը դադարեցնում է քարոզարշավը, կուսակցությունը չի մասնակցելու արտահերթ ընտրություններին։
Ասրյանը նշել է, որ արտահերթ ընտրություններ չեն կարող անցկացվել Հայաստանի ամբողջ տարածքում, քանի որ որոշ տարածքներ օկուպացված են, ինչը նշանակում է, որ պետք է արտահերթ ընտրությունները չեղարկել։
Նա կոչ է արել համախմբվել չեղարկել ընտրությունները, միասնական ջանքերով ադրբեջանցիներին դուրս հանել ՀՀ տարածքից, ապա անցկացնել նոր արտահերթ ընտրություններ, քանի որ Հայաստանի ամբողջականությունը և անվտանգությունը ավելին է, քան ցանկացած ընտրություն։
Ասրյանը նշել է, որ իրենք 86 հոգանոց համամասնական անթերի ցուցակով հայտ են ներկայացել արտահերթ ընտրություններին մասնակցելու և հաղթելու, գրանցվել է, սակայն պայմանով, որ եթե մինչև արտահերթ ընտրությունների քարոզարշավի մեկնարկը Հայաստանի իշխանությունը Հայաստանի տարածք ներխուժած ադրբեջանցին չվռնդի հայոց հողից, ուրեմն բացառվում է, որ իրականացնեն նախընտրական քարոզարշավ և մասնակցի ընտրություններին։
