16.12.2025 | 12:12
ՖԻՖԱ․ Տարվա լավագույն ֆուտբոլիստի մրցանակի հավակնորդները
ՀՀԿ-ն լացակումած ելույթներ է ունենում, թե ո՞նց կլինի Տիգրանաշենը տան. դուք այլ հարցի պատասխանեք. ՏԵՍԱՆՅՈՒԹ
Քաղաքականություն
07.06.2021 | 15:33
Ռոբերտ Քոչարյանը Ղարաբաղին զրկել է միջազգայնորեն ճանաչված միակ կարգավիճակից, դա մի ձևակերպում ունի՝ դավաճանություն: Ռոբերտ Քոչարյանին մենք այսօր մեղադրում ենք 1998թ-ի ընդդեմ Ղարաբաղի դավաճանություն գործելու մեջ: 1999թ-ի Ռոբերտ Քոչարյանը փորձել է Մեղրին տալ Ադրբեջանին: Վերջին ամիսներին դուք տեսաք՝ ի՞նչ հիստերիա են նրանք բարձրացնում, թե իբր ես Մեղրին ուզում եմ տալ Ադրբեջանին, միչդեռ հենց իրենք են Մեղրին Ադրբեջանին տալու փորձ արել: Արմավիրի մարզի Գեղակերտ համայնքում բնակիչների հետ հանդիպման ժամանակ հայտարարեց Նիկոլ Փաշինյանը և վստահեցրեց, որ իր վարչապետության օրոք բանակցային գործընթացը որևէ նման կոմպոնենտով չի ավելացել:
«Իմ վարչապետության օրոք բանակցային գործընթացը այսպիսի որևէ կոմպոնենտով չի հարստացել, ամեն ինչ եկել է նախկիններից, ինչ-որ խոսել են, դարձել է բանակցային բովանդակություն: Այսօր փորձում են ցույց տալ, թե իբր մեր կառավարությունն է եկել և Ղազախի շրջանի անկլավների հարցը բերել օրակարգ, դուք տեսաք, որ 1999թ-ին Ռոբերտ Քոչարյանն է այդ հարցը բերել օրակարգ և դա արձանագրված է փաստաթղթային ձևով, այսօր հանրապետականներն անկլավների հարց են բարձրացնում, գնում են Տիգրանաշեն գյուղից լացակումած ելույթներ են ունենում, միչդեռ թող իրենք ուրիշ հարցի պատասխանեն՝ 2011-2013թթ-ին Սերժ Սարգսյանի կառավարությունը նախագծել է հյուսիս-հարավ ավտոճանապարհը, և այդ ավտոճանապարհի նախագիծը գնացել հասել է Արտաշատ, հետո ոչ թե շարունակվել է Երասխ, Պարույր Սևակ, Տիգրանաշեն, այլ Արտաշատից մտել է Վեդի, Վեդիից՝ Ուրցաձոր, Ուրցաձորից բարձրացել է Զանգակատուն, գիտեք ինչու համար է դա արվել, որպեսզի այդ ճանապարհը Տիգրանաշենով չանցնի: Այն ինչ-որ այսօր կա, այն խայտառակ բովանդակության արդյունք է, որ նրանք թողել են ժառանգություն, իսկ մենք փորձել են դիմադրել, որ այդ աղետը տեղի չունենա»- նշեց Նիկոլ Փաշինյանը:
Մանրամասները՝ տեսանյութում:
