18.05.2026 | 15:37
Ռուբեն Վարդանյանին առաջադրել են Վացլավ Հավելի անվան մարդու իրավունքների 2026-ի մրցանակի
Պետական պաշտոնյայի կողմից ստելը պետք է քրեորեն պատժվի․ Քոչարյան. ՏԵՍԱՆՅՈՒԹ
Քաղաքականություն
07.06.2021 | 15:08
Ես երբեք չեմ մտածել, որ մեր ժողովրդին կարելի է այսքան հեշտ խաբել․ ոչ մի ուրիշ ժողովուրդ մեզ միամիտ չի համարել, բոլորը համարում են, որ հայերը խորամանկ են, հարցեր լուծող են․ մենք ինչպե՞ս ենք պրիմիտիվ բաներում խաբվել, մինչև այսօր չեմ հասկանում։ Այս մասին Սյունիքի Մեղրի քաղաքում համակիրների հետ հանդիպմանը հայտարարեց «Հայաստան» դաշինքի առաջնորդ, ՀՀ երկրորդ նախագահ Ռոբերտ Քոչարյանը։
«Ես սա համարում եմ ոչ միայն ժողովրդի վստահության չարաշահում, սա հանցագործություն է, այդ հանցագործությունը կատարվում էր սեփական ժողովրդի դեմ պետական մարմինների կողմից՝ պետական ֆինանսավորմամբ։ Ձեր բոլորից պետությունը հարկ է հավաքում և այդ հարկային միջոցներն օգտագործում է ձեզ խաբելու համար, իսկ սա ուղղակի խաբել չէ, ապուշացնել է:
Չկա ավելի մեծ հիասթափություն, քան գիտակցումը, որ քեզ խաբել են, շարունակում են խաբել և շարունակելու են խաբել ապագայում, ինչն էլ իր հերթին դեպրեսիվ միջավայր է ստեղծում։
Պետական պաշտոնյայի կողմից ստելը պետք է քրեորեն պատժելի արարք համարվի, որ ուղղակի սուտը «քոքից» կտրենք, մի երկու հոգի էլ պետք է դատվեն ստելու համար, որ բոլորի համար պարզ լինի՝ եթե պետական պաշտոնը զբաղեցրիր, ստելը մոռացիր։ Դա կենցաղային սուտ չէ»,- ասաց Քոչարյանը։
Մանրամասները՝ տեսանյութում:
