15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Կողմերից որ մեկն էլ հաղթի՝ ներքին բախումներից չենք խուսափի, այլընտրանքը ԼՀԿ-ն է. Մարուքյան. ՏԵՍԱՆՅՈՒԹ
Քաղաքականություն
07.06.2021 | 11:42
Արտահերթ խորհրդարանական ընտրությունների քարոզարշավի առաջին օրը «Լուսավոր Հայաստան» կուսակցությունը քարոզարշավ է իրականացնում և Երևանում և Սյունիքում:
«Լուսավոր Հայաստանի» հիմնական ուղերձը երկրում ներքաղաքական հաշտություն, խաղաղություն, համերաշխություն, միասնականություն ձևավորելն է: Այս լրագրողների հետ զրույցում նշեց «Լուսավոր Հայաստան» կուսակցության նախագահ Էդմոն Մարուքյանը:
«Կանգ չենք առնելու, ամեն ինչ անելու ենք, որ ազգային համաձայնությունը, միասնականությունը հաղթի, որովհետև եթե միասնականությունը չհաղթի, մեզ կհաղթի թշնամին»,- նշեց Մարուքյանը:
Անդրադառնալով քաղաքական որոշ ուժերի՝ միմյանց «ոչնչացնելու» մասին հայտարարություններին ԼՀԿ ղեկավարը նշեց. «Եթե ագրեսիվ չլինեին, եղբայրաբար միմյանց վերաբերվեին, մեր օրակարգը այլ կլիներ, թուրքերը մեր սահմանները հատած չէին լինի: Սրա պատճառն այն է, որ երկրի ներսում միասնականություն, համերաշխություն չկա, որ թշնամու դեմ կռվեն: ԼՀԿ-ի համար մենք բոլորս հայկական խրամտում ենք, հիմա հայկական խրամատում իրար հետ կռվել, վիճել, և չմիավորվել ընդդեմ թշնամու, դա պետակործան մոտեցում է: Մեզ համար հունիսի 21-ն այն գիծն է, որից հետո երկրում պետք է միասնականությունը վերականգնվի։
Լարվածությունն այնքան է սրվելու, որ մարդկանց, իրենց հետևորդներին իրենք տանելու են քաղաքացիական բախումների: Դա հնարավոր է կանխել, եթե ԼՀԿ-ն հավաքի 40% չկողմնորոշված ընտրողների ձայների մեծամասնությունն ու պարտադրի այդ կողմերին համերաշխություն, այլապես եթե հակամարտող մի կողմը հաջողություն ունեցավ, նրա օրակարգը լինելու է մեկը ոչնչացնել մյուս կողմին: Մյուս կողմն էլ իր ռեսուրսներն է դնելու և ժողովրդին հանելու են իրար դեմ: Այդ լիդերները պարիսպներով տներում են ապրում, իրենց մազը չի ծռվելու, ժողովուրդն է փողոցում իրար դեմ կռվելու»:
Մարուքյանի դիտարկմամբ՝ քաղաքական գզվռտոցին կա այլընտրանք և դա «Լուսավոր Հայաստանն» է:
Նա ընդգծեց, որ երկրի անվտանգության առաջին գրավականը ներքին համերաշխությունն է. «Եթե մենք ներսում իրար դեմ կռվենք, թշնամու զորքերը շարժվելու են առաջ»:
Մանրամասները՝ տեսանյութում:
