27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Ընդդիմադիրներից մեկն ասոցացվում է մահվան հետ․ իր օրոք Հոկտեմբերի 27 է եղել․ Ալեն Սիմոնյան. ՏԵՍԱՆՅՈՒԹ
Քաղաքականություն
04.06.2021 | 15:29
«Ինչո՞ւ ենք մենք խոսում վախերից, որովհետև ընդդիմադիր թեկնածուներից մեկն ասոցացվում է մահվան հետ։ Ինքը ասոցացվում է մահվան հետ, որովհետև Հոկտեմբերի 27 է տեղի ունեցել, երբ ինքը եղել է երկրի անվտանգության երաշխիքը։ Պատմության ընթացքում կպարզենք՝ արդյոք այդ երաշխիք լինելը միակ մասնակցությունն է եղել այդ ամենի մեջ, թե ոչ։ Այդ մարդու իշխանավարման տարիներին տեղի է ունեցել Մարտի 1, այո, Ռոբերտ Քոչարյանի օրոք Երևանի փողոցում գնդակահարվել են 10 մարդիկ, հայ մարդկանց գնդակահարել են փողոցում։ Մարդուն զուգարանում գլուխն այնքան են խփել լվացարանին, որ մահացել է։ Դրա համար ենք խոսում դրա մասին, որովհետև մարդիկ չեն վախենում, որ նա գալու է իշխանության, ու էդ մարդկանց մեծ մասն այսօր այստեղ նստած է։ Ձեզ հույս մի տվեք, կգնաք Սերժ Սարգսյանի հետ կմրցեք և ձեր անցյալի հետ կմրցեք։ Ռոբերտ Քոչարյանի, դաշինքի, դաշնակցականների հիմնական մրցակիցն անցյալն է, որին իրենք չեն կարողանալու հաղթել»,- ԱԺ արտահերթ նիստում այս մասին ասաց ԱԺ փոխնախագահ Ալեն Սիմոնյանը:
Անդրադառնալով նախընտրական բանավեճից Ռոբերտ Քոչարյանի հրաժարվելուն՝ Սիմոնյանը նշեց. «Ախր էդ մարդը հայերեն չգիտի, ոչ խոսել գիտի, ոչ գրել գիտի, ո՞նց է գալու բանավեճի»։
«Գալիս եք այստեղ, ասում՝ դուք հանձնեցիք Արցախի 70 տոկոսը։ Ստամբուլում Ռոբերտ Քոչարյանը ստորագրել է մի փաստաթուղթ, որով Արցախը ճանաչել է Ադրբեջանի կազմի մեջ։ Եվ ինչպես նշեց նաև Լևոն Տեր-Պետրոսյանը, բանակցությունները ձգվել են այնքան, մինչև Ադրբեջանը կարողանա ուժեղանալ։ Բա եկեք այսպիսի բաների մասին խոսեք, մուսկուլներով, նաև հիմնականում դեմքի մուսկուլներով խաղալով, դրսից փիարշիկներ բերելով, կերպար ստեղծելով ձեզ թվում է մարդկանց կարող եք խաբել»,- ասաց ԱԺ փոխնախագահը:
Սիմոնյանն ընդգծեց, որ Քոչարյանի ղեկավարած դաշինքը երկար կյանք չի ունենալու. «Ամսի 21-ին լույսը բացվելու է, և այդ փչած փուչիկից ոչ մի բան չի մնալու»։
Մանրամասները՝ տեսանյութում:
