26.03.2026 | 13:29
«Ռեալը» մտադիր չէ պայմանագիր կնքել Ռոնալդուի որդու հետ
Գենշտաբի պետի տված 1 ժամից անցել է 144 ժամ, և տղաները դեռ գերեվարված են. Նաիրա Զոհրաբյան. ՏԵՍԱՆՅՈՒԹ
Քաղաքականություն
04.06.2021 | 12:00
Ազգային ժողովի խմբակցությունների ներկայացուցիչներն այսօր ԱԺ նիստում անդրադարձան հայ ռազմագերիների խնդրին:
«Հունիսի 1-ին Բաքվի ծանր հանցագործությունների դատարանը ավարտել է հայ 14 ռազմագերիների դեմ հարուցված մեղադրանքի նախաքննությունը, և մեր ռազմագերիներին, որոնք Ադրբեջանը համարում է դիվերսանտներ, ահաբեկիչներ, ուղարկվել է դատարան»,- իր ելույթում ասաց ԱԺ պատգամավոր Նաիրա Զոհրաբյանը։
«Նրանք մեղադրվում են տեռորիզմի, Ադրբեջանի տարածքում այլ հանցագործ գործունեություն ծավալելու մեջ: Մեղադրվում են տեռորիստական, դիվերսիոն ակտեր, պայթյուններ, հրդեհներ և մարդկանց կյանքին վտանգ սպառնացող ահաբեկչական պլանավորված գործողություններ կատարելու մեջ: Խոսքը դեկտեմբերի 13-ին Հադրութի մերձակայքում գերեվարված մեր տղաների մասին է, որոնք չնայած միջազգային հանրության տոտալ ճնշմանը, Ադրբեջանը հրաժարվում է ճանաչել ռազմագերի: Ինչ մնում է մյուս ռազմագերիներին, նրանց դեմ նախաքննությունը ևս ավարտված է և այս պահին ըստ իրենց, գործի ծանոթացման ընթացքն է գնում»,- նշեց Զոհրաբյանը և հիշեցրեց, որ 6 օր առաջ ԶՈՒ ԳՇ պատասխանատուն հայտարարեց, որ Ադրբեջանին տալիս են մեկ ժամ ժամանակ վերջերս գերեվարված մեր տղաներին վերադարձնելու համար։
«Գենշտաբի պաշտոնյայի տված մեկ ժամից անցել է 144 ժամ, և մեր տղաները շարունակում են մնալ գերեվարված»,- ասաց պատգամավորը։
Նաիրա Զոհրաբյանը հայտնեց նաև, որ Մոսկվայից վերադարձած մեր պատվիրակությունը, որը պետք է բանակցեր սահմանային միջադեպերի՝ հատկապես վերջին վեց գերիների հետ համար, վերադարձել է ձեռնունյան. «Նրանք տարածեցին լղոզված մի հայտարարություն, որտեղ ընդամենը ասված է, որ քննարկումները և բանակցությունները շարունակվում են»:
