24.08.2026 | 23:26
Ծանրորդ Տիգրան Ավետիսյանը՝ Եվրոպայի Մ15 տարեկանների չեմպիոն
Ինչո՞ւ բոլորով չեք միավորվում, որ հեռացնեք այս իշխանությանը․ քաղաքացին՝ Մարուքյանին. ՏԵՍԱՆՅՈՒԹ
Քաղաքականություն
01.06.2021 | 12:17
«Լուսավոր Հայաստանը» մեր ժողովրդին տալիս է հետևյալ ուղերձը՝ դուք ունեք հնարավորություն, դուք ունեք այլընտրանք: Մեր կարգախոսն է. «Կա այլընտրանք, քվեարկի՛ր»: Այս մասին Արմավիրի մարզի մի քանի համայնքների բնակիչների հետ հանդիպման ընթացքում նշեց «Լուսավոր Հայաստան» խմբակցության ղեկավար Էդմոն Մարուքյանը:
«Ամբողջ երկրում մեդիաներով «փաթեթավորումն» այն մասին է, որ դուք այլընտրանք չունեք՝ կա՛մ գործող իշխանության օգտին պետք է քվեարկեք, կա՛մ նախկին իշխանությունների:
27 տարվա բարքերի արդյունքն էր, որ եղավ հեղափոխություն, հեղափոխությունից հետո մարդիկ եկան իշխանության, որոնք չկարողացան հեղափոխության արդյունքները կապիտալիզացնել, մեր բոլորի իղձերը դարձնել իրականություն և երկիրը զարգացնել: Եղավ նաև այս ազգակործան պատերազմը: Մեզ պետք է շանս առաջ շարժվելու համար. կա երրորդ ճանապարհը, դա «Լուսավոր Հայաստան» կուսակցությունն է, որտեղ համախմբված են պրոֆեսիոնալներ… Չի եղել մի դեպք, որ մենք պետական շահը մի կողմ դնենք: Ի՞նչ անենք, որ այս խայտառակ վիճակից կարողանանք դուրս գալ»,-ասաց Մարուքյանը:
«Ինչո՞ւ բոլորով չեք միավորվում, որ ավելի հեշտ լինի այս իշխանություններից ազատվելը»,- դիմելով Էդմոն Մարուքյանին՝ հարցրեց քաղաքացիներից մեկը:
«Ամեն ուժ ունի իր գաղափարախոսությունը, իր ծրագիրը, իր մոտեցումները: Մենք ժողովրդի պատգամը կատարողն ենք, մեզ ժողովուրդն անդադար ասել է՝ չմիանաք ոչ մի ուժի»:
Մանրամասները՝ տեսանյութում:
