10.10.2026 | 12:57
Նավթի գներն աճել են
2017թ.-ի կոռուպցիայի ընկալման համաթվում Հայաստանը 180 երկրների շարքում 107-րդ տեղում է. Վարուժան Հոկտանյան
Հասարակություն
22.02.2018 | 13:49
2017թ.-ի կոռուպցիայի ընկալման համաթվում Հայաստանը 180 երկրների շարքում 107-րդ տեղում է. այսօր լրագրողների հետ հանդիպմանն ասաց«Թրանսփարենսի Ինթերնեշնլ հակակոռուպցիոն կենտրոնի» ծրագրերի ղեկավար Վարուժան Հոկտանյանը:
«Սա ոչ թե շարքային քաղաքացիների գնահատական է, որ չասեն, թե նրանք սոված են, աղքատ են, այլ փորձագետների և գործարարների, ընդ որում ոչ թե հայաստանցի, այլև Հայաստանի հետ շփվող փորձագետների ընկալումը»,- նշեց Վարուժան Հոկտանյանը:
«Թրանսփարենսի Ինթերնեշնլ հակակոռուպցիոն կենտրոնի» զեկույցի համաձայն՝ Հայաստանի ԿԸՀ 2017թ. արժեքն է 35, այն Եթովպիայի, Մակեդոնիայի և Վիետնամի հետ միասին 180 երկրների շարքում կիսում է 107-ից 110-րդ տեղերը: Կոռուպցիայի ընկալման համաթվի մեթոդաբանությամբ՝ 0 միավորը նշանակում է բացարձակ կոռումպացված, 100 միավորը նշանակում է բացարձակ մաքուր։
2017-ին Հայաստանի հարևան երկրներում կոռուպցիայի ընկալման համաթիվը հետևյալ պատկերն է ստացել՝ Վրաստան 56 միավոր` 46-րդ տեղ, 2016թ. – 57 միավոր` 44-րդ տեղ, Թուրքիա 40 միավոր` 81-րդ տեղ, 2016թ. – 41 միավոր` 75-րդ տեղ, Ադրբեջան 31 միավոր` 122-րդ տեղ, 2016թ. – 30 միավոր` 123-րդ տեղ, Իրան 30 միավոր` 130-րդ տեղ, 2016թ. – 29 միավոր` 131-րդ տեղ:
Մանրամասները՝ տեսանյութում:
