19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Կառավարության դռները լաքապատելու անհետաձգելի անհրաժեշտություն է առաջացել. 10 մլն դրամի վերանորոգման աշխատանքներ կիրականացվեն առանց մրցույթի
Քաղաքականություն
30.05.2021 | 19:12
Վարչապետի աշխատակազմը 9․8 մլն դրամի պայմանագիր է կնքել «Ակվահոմ» ՍՊ ընկերության հետ, որը պարտավորվել է կառավարական թիվ մեկ մասնաշենքում վերանորոգման աշխատանքներ իրականացնել: Ուշագրավ է, որ շուրջ 10 մլն դրամի այս գնումը կառավարությունն իրականացրել է առանց մրցույթի:
Պետական կառույցներն առանց մրցույթի գնումներ կատարում են Գնումների մասին ՀՀ օրենքի 23-րդ հոդվածի 1-ին մասի 2-րդ կետի համաձայն, եթե արտակարգ կամ չնախատեսված այլ իրավիճակի առաջացման հետևանքով ծագել է գնման անհետաձգելի պահանջ և, արտակարգ կամ չնախատեսված այլ իրավիճակից ելնելով, գնման այլ ձևերի կիրառումը ժամկետի առումով անհնար է՝ պայմանով, որ նման պահանջը հնարավոր չէր օբյեկտիվորեն կանխատեսել։
Գնման պայմանագրից տեղեկանում ենք, որ պետք է փոխել կառավարության վարդակները, լաքապատել սենյակների դռներն ու պատուհանները և այլ աշխատանքներ:
Փաստորեն, կառավարությունում որոշել են, որ, օրինակ, դուռ ներկելը խիստ անհետաձգելի է և առանց մրցույթի գնում են հայտարարել:
Նարեկ Կիրակոսյան
