18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
«Շանթ դաշինք» կուսակցությունը չի մասնակցի ընտրություններին
Քաղաքականություն
30.05.2021 | 14:00
«Շանթ դաշինքը» կուսակցությունը հայտարարություն է տարածել, որտեղ նշվում է, որ չնայած պետական գրանցում են ստացել, բայց առաջիկա ընտրություններին չեն մասնակցի. «Շանթ դաշինք» կուսակցությունը պաշտոնապես պետական գրանցում է ստացել սույն թվականի մայիսի 24-ին:
2021 թ-ի մայիսի 12-ից Հայաստանը հայտնվեց նոր աշխարաքաղաքական իրավիճակում, ենթարկվեց ադրբեջանական ագրեսիայի՝ ստանալով նորանոր արտաքին մարտահրավերներ: Հայաստանի խախտված տարածքային ամբողջականության և տարածքային կորուստների վտանգի պայմաններում «Շանթ դաշինք» կուսակցությունը նպատակահարմար չի գտնում մասնակցել ընտրություններին, սակայն կուսակցությունը, որպես արդեն կազմակերպված կառույց, էլ ավելի արդյունավետ է շարունակելու պայքարը հանուն Հայաստանի անկախության և ազատության՝ շարունակական փոփոխվող աշխարհաքաղաքականության սրընթաց զարգացումների խորապատկերին։ Առավել հանգամանալից մանրամասնություններով առաջիկայում հարցրազրույցներով հանդես կգան՝ Շանթ Հարությունյանն ու Շանթ Դաշինք կուսակցության նախագահ՝ Շահեն Հարությունյանը»,- ասված է հայտարարության մեջ:
