11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Կառավարությունը գյուղացիների կողմից պարարտանյութի ձեռք բերման համար սուբսիդավորում կտրամադրի
Տնտեսություն
22.02.2018 | 11:40
ՀՀ Կառավարության այսօրվա նիստում որոշվեց 2018 թվականի ընթացքում գյուղացիների կողմից ձեռք բերվող պարարտանյութի համար սուբսիդավորում տրամադրել:
Կառավարության որոշման նախագիծը գործադիրին ներկայացնող գյուղատնտեսության փոխնախարար Ռոբերտ Մակարյանը հայտնեց, որ սուբսիդավորվող ամբողջ գումարի չափը կազմում է 285 միլիոն դրամ:
Որոշման նախագծով առաջարկվում է նաև պետական բյուջեով սուբսիդավորման ծրագրի շրջանակներում պարարտանյութը մարզկենտրոններից համայնքներ տեղափոխման համար նախատեսված 18.7 միլիոն դրամն առանց մրցույթի տրամադրել «Սերմերի գործակալություն» պետական կազմակերպությանը: ֆոսֆորական պարարտանյութի դեպքում կսուբսիդավորվի 6000 դրամը, որի դեպքում պարարտանյութը գյուղացիները ձեռք կբերեն 1 պարկը 7 հազար դրամով: Կալիումական պարարտանյութի գնից կսուբսիդավորվի 3500 դրամը, որի դեպքում գյուղացիները պարարտանյութը կգնեն կրկին 1 պարկը 7 հազար դրամով:
Ծրագրի իրականացումն ապահովելու համար մրցակցային կարգով իրականացված ընտրության արդյունքում նախատեսված քանակության պարարտանյութի ներկրումը երեք տարբեր չափաբաժիններով պարտավորվել է առանց բյուջետային վարկի իրականացնել «Տարգովիյ Դոմ «Դոնսկոյ Ագրոխիմ Ցենտր» ընկերությունը։
