18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
ԿԸՀ իրազեկումը այլ համայնքում գտնվող ընտրողների համար
Քաղաքականություն
28.05.2021 | 13:48
ՀՀ Կենտրոնական ընտրական հանձնաժողովն իրազեկման հաղորդագրություն է տարածել այն ընտրողների համար, որոնք հաշվառված են որևէ համայնքում, սակայն ԱԺ արտահերթ ընտրությունների օրը գտնվելու են մեկ այլ համայնքում։
«Եթե ՀՀ քաղաքացին բնակչության պետական ռեգիստրում հաշվառված է Հայաստանի Հանրապետության որևէ համայնքում, սակայն քվեարկության օրը գտնվելու է այլ համայնքում, մինչև 10․06․2021թ. կարող է դիմում ներկայացնել հաշվառման կամ գտնվելու վայրի անձնագրային ծառայություն, ըստ հաշվառման վայրի ընտրողների ցուցակից ժամանակավորապես դուրս գալու մասին` նշելով քվեարկության օրը գտնվելու վայրի հասցեն: Այս մասին տեղեկացնում է ՀՀ կենտրոնական ընտրական հանձնաժողովը։
Անձնագրային ծառայությունը դիմումը ստանալուց հետո` եռօրյա ժամկետում, ընտրողի տվյալները ժամանակավորապես հանում է ըստ հաշվառման վայրի ցուցակից և ավելացնում ըստ գտնվելու վայրի տեղամասի ընտրողների ցուցակում: Դիմողին այդ մասին տրամադրվում է համապատասխան տեղեկանք: Այլ անձի անունից դիմում ներկայացնելու դեպքում դիմումատուն պարտավոր է ներկայացնել նոտարական վավերացմամբ հաստատված լիազորագիր»,- ասվում է ԿԸՀ հաղորդագրությունում:
