12.01.2026 | 12:21
Ուրբաթ օրվանից Իրանից տեղեկություն չունենք, դա մեզ շատ է անհանգստացնում․ Սինանյան․ ՏԵՍԱՆՅՈՒԹ
Վտանգները սպառնում են մեր պետականությանը. Գարեգին Բ. ՏԵՍԱՆՅՈՒԹ
Հասարակություն
28.05.2021 | 12:51
Ամենայն Հայոց կաթողիկոս Գարեգին Բ-ն այսօր՝ մայիսի 28-ին, եկեղեկացկանների ուղեկցությամբ այսօր այցելեց Սարդարապատի հուշահամալիր:
«Ամեն տարի Հանրապետության տոնի այս նվիրական օրը Մայր Աթոռ Սուրբ Էջմիածնի միաբանության հետ գալիս ենք նվիրական այս վայրը՝ Սարդարապատի հուշահամալիր՝ մեր աղոթքն առ Աստված բարձրացնելու՝ մեր հայրենիքի և մեր ժողովրդի ապահով, խաղաղ և անվտանգ կյանքի համար»,- այս մասին Սարդարապատի հուշահամալիրում լրագրողների հետ զրույցում ասաց Ամենայն Հայոց Կաթողիկոս Գարեգին Բ-ն։
«Մենք այսօր ևս մեր աղոթքը բարձրացրինք՝ խնդրելով, որ Տիրոջ օրհնությունը հովանի լինի մեր ազգի, հայրենիքի վրա, որ պահի, պաշտպանի մեր ժողովրդին բոլոր փորձություններից։ Դժվարին ժամանակներ ենք ապրում, և մեր մաղթանքն է, որ մեր ժողովուրդն իր կյանքն ապրի՝ Սարդարապատի խորհրդին ունկնդիր, ոգեշնչվի, քաջալերվի Սարդարապատի խորհրդով, որը գեղեցկորեն բանաձևված է Պարույր Սևակի խոսքերով՝ «երբ չի մնում ելք ու ճար, խենթերն են գտնում հնար»»,- նշեց Ամենայն Հայոց Կաթողիկոս
«Այսօրվա մեր պատգամը պետք է լինի, որ ազգիս յուրաքանչյուր զավակ լինի նվիրյալ խենթը հայրենիքի, և հայրենիքի սիրով միաբանված՝ մեկ կամք, մեկ բռունցք, մեկ սիրտ դարձած՝ լծվենք մեր հայրենիքի զորության կերտմանը, մեր ժողովրդի բարօր կյանքի կերտմանը և միասնական ջանքերով հեռու վանենք մեր սահմաններից բոլոր վտանգները և փորձությունները, որոնք սպառնում մեն մեր ինքնությանը, պետականությանը»,- նշեց Գարեգին Բ-ն՝ չցանկանալով պատասխանել որևէ քաղաքական հարցի։
Մանրամասները՝ տեսանյութում:
