12.01.2026 | 12:21
Ուրբաթ օրվանից Իրանից տեղեկություն չունենք, դա մեզ շատ է անհանգստացնում․ Սինանյան․ ՏԵՍԱՆՅՈՒԹ
Ցանկացած պարագայում ԶԼՄ-ները պետք է նախապես տեղեկացվեն սպասվելիք նմանատիպ միջոցառումների լուսաբանման պայմանների ու սահմանափակումների մասին. ՄԻՊ
28.05.2021 | 12:06
Այսօր վաղ առավոտից Մարդու իրավունքների պաշտպանին լրագրողներն ահազանգերով բողոքներ են ներկայացրել՝ նշելով, որ պաշտոնական միջոցառումները լուսաբանելու համար իրենց արգելվում է մոտենալ Սարդարապատի հուշահամալիրին. տեղեկացնում են ՀՀ ՄԻՊ աշխատակազմից:
Լրագրողները նշել են՝ նախապես չի հայտարարվել, որ Սարդարապատի հուշահամալիր մուտքն իրենց համար փակ է լինելու, տեղում ևս չի ներկայացվել որևէ պարզաբանում կամ հիմնավորում:
Մարդու իրավունքների պաշտպանն արձանագրում է, որ ցանկացած պարագայում լրատվամիջոցները պետք է նախապես տեղեկացվեն սպասվելիք նմանատիպ միջոցառումների լուսաբանման պայմանների, ինչպես նաև սահմանափակումների մասին՝ նախապես հրապարակված պարզաբանումներով կամ հիմնավորումներով:
Լրատվամիջոցների միջոցով է հասարակությունը տեղեկանում երկրում տեղի ունեցող իրադարձությունների ու հանրային մարմինների աշխատանքի մասին, հետևաբար նրանց անխոչընդոտ մասնագիտական գործունեությունը պետք է երաշխավորված լինի:
Նշենք, որ թեմային անդրադարձել էր Factor.am-ը՝ գրելով, որ արգելքը աննախադեպ էր:
