18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Ռոբերտ Քոչարյանը և Սերժ Սարգսյանը չհասկացան սա, այնքան պարզ բան էր․ Լևոն Տեր-Պետրոսյան․ ՏԵՍԱՆՅՈՒԹ
Քաղաքականություն
27.05.2021 | 22:42
Իշխանությունից հեռանալով՝ Լևոն Տեր-Պետրոսյանը հայտարարել էր, որ խաղաղության կուսակցությունը պարտվեց, և իշխանութունը ինքնակամ հանձնվեց պատերազմի կուսակցությանը: ՀՀ առաջին նախագահ, ՀԱԿ առաջնորդ Լևոն Տեր-Պետրոսյանը Հանրային հեռուստաընկերությանը տված իր հարցազրույցում անդրադարձավ դիտարկմանը, որ վերջերս ՀՀ երկրորդ նախագահ Ռոբերտ Քոչարյանը հակադարձել է՝ նշելով, որ ԼՂ կոնֆլիկտի պատմության մեջ ամենախաղաղ տասը տարիները եղել են իր կառվարման տարիները, հետևաբար ոչ մի պատերազմի կուսակցություն չկար, դա միֆ էր:
«Դուք նրա ասածի կեսն ենք ասում, նաև ասում է, որ բոլոր առաջարկներն Ադրբեջանն էր մերժում այդ ժամանակ. բանալին այս արտահայտության մեջ է:
Ռոբերտ Քոչարյանը պիտի մտածեր, թե ինչու է Ադրբեջանը մերժում․ ուրեմն Ադրբեջանը վստահ էր, որ ժամանակն աշխատում է իր օգտին։ Էս էլեմենտար բանը չհասկացավ այդ մարդը։ Սա քաղաքական մտքի լրիվ բացակայություն է այդ հարցում։
Երբ որ վեճ ունես, անգամ մարդկային, պիտի մտնես դիմացինիդ կաշվի մեջ, հասկանաս՝ ինչն է իր մոտիվը։ Մոտիվը դա էր։ Եվ ժամանակը չաշխատե՞ց Ադրբեջանի օգտին. այն էլ ինչպես աշխատեց։ Տնտեսապես նա հզորացավ, Հայաստանը թուլացավ։ Ադրբեջանը ժամանակակից բանակ ստեղծեց, մեր բանակը լավն էր, բայց փոքրացավ արտագաղթի պատճառով։ Շատ գաղտնքիներ կան, որ ես չեմ ասել մինչև հիմա։ Հիմա մեր բանակի թվաքանակն անգամ այն չէ, ինչ որ 1994-1995 թվականներին էր։ Մեղմ եմ ասում, անգամ զուտ թվաքանակը, զորակոչիկների թիվը։ Ինչի՞ վրա էր հույս դրել»,- նշեց Տեր-Պետրոսյանը՝ հավելելով, որ Ռոբերտ Քոչարյանը և Սերժ Սարգսյանը, ինչպես նաև Վազգեն Սարգսյանը չհասկացան այս պարզ բանը, որ ժամանակի վրա չի կարելի հույս դնել:
Մանրամասները՝ տեսանյութում:
