31.08.2026 | 15:24
Մասկը պատրաստ է Ուկրաինային թույլ տալ Starlink-ն օգտագործել ՌԴ-ին հարվածների համար, սակայն անհրաժեշտ է Սպիտակ տան որոշումը․ FT
Լիտվայի ԱԳՆ-ն մտահոգություն է հայտնել հայ-ադրբեջանական սահմանային իրավիճակի կապակցությամբ և բանակցությունների կոչ արել
Քաղաքականություն
27.05.2021 | 17:32
Լիտվայի ԱԳ նախարարությունը հայտարարություն է տարածել Հայաստանի ու Ադրբեջանի սահմանին տիրող իրավիճակի կապացությամբ, տեղեկանում ենք Լիտվայի արտաքին քաղաքական գերատեսչության պաշտոնական կայքից։
Լիտվայի ԱԳՆ-ն խորը մտահոգություն է հայտնել վերջին շաբաթներին Հայաստանի ու Ադրբեջանի սահմանին տիրող իրավիճակով։
«Մենք մտահոգված ենք երկու երկրների զինված ուժերի սահմանային բախումների մասին հաղորդագրություններով, որոնք վտանգում են ինչպես զինվորների, այնպես էլ խաղաղ բնակիչների կյանքը: Կոչ ենք անում երկու կողմերին ապաէսկալացնել իրավիճակը և դուրս բերել զորքերը: Սահմանի դելիմիտացիայի ու դեմարկացիայի մասին համաձայնությունը կարող է ձեռք բերել միայն խաղաղ բանակցությունների սեղանի շուրջ, ոչ թե սահմանին զորքեր կուտակելով: Մենք շարունակում ենք ուշադիր հետևել իրավիճակին և կարծում ենք, որ ապաէսկալացիայի քայլերը կնպաստեն Հայաստանի և Ադրբեջանի միջև հակամարտության խաղաղ կարգավորմանը, ինչպես նաև վստահության ամրապնդմանը»,- ասվում է Լիտվայի ԱԳՆ հայտարարության մեջ։
Էմմա Չոբանյան
