30.06.2026 | 09:48
Էնցո Մարեսկան` «Մանչեսթեր Սիթիի» գլխավոր մարզիչ
ՀՀ կառավարությունը Կապան, Մեղրի և Տեղ համայնքների մի շարք հողամասեր կհատկացնի ՌԴ Անվտանգության դաշնային ծառայությանը
27.05.2021 | 15:40
Կառավարության այսօրվա նիստում ընդունված որոշմամբ՝ Հայաստանի Հանրապետությունը կընդունի Կապան, Մեղրի և Տեղ համայնքների կողմից նվիրված հողամասերը, ՀՀ սեփականությունը հանդիսացող այլ հողամասի հետ միասին կամրացնի ՀՀ Տարածքային կառավարման և ենթակառուցվածքների նախարարության պետական գույքի կառավարման կոմիտեին և պաշտպանական նպատակներով դրանք անհատույց օգտագործման իրավունքով կհատկացնի ՌԴ Անվտանգության դաշնային ծառայության՝ ՀՀ-ում տեղակայված սահմանապահ վարչությանը:
Ըստ նախագծի հիմնավորման՝ որոշման նախագծի ընդունման անհրաժեշտությունը պայմանավորված է Հայաստանի Հանրապետության հարավ-արևելյան սահմանների պաշտպանության ամրապնդմամբ:
«2020թ. նոյեմբերի 9-ի եռակողմ հայտարարությամբ պայմանավորված՝ անհրաժեշտություն է առաջացել ամրացնել Հայաստանի Հանրապետության հարավ-արևելյան սահմանները, որի նպատակով էլ առանձնացվել են անհրաժեշտ հողամասեր: Որոշման նախագծի ընդունմամբ պաշտպանական նպատակներով նախանշված գործառույթները կհամապատասխանեցվեն ՀՀ գործող օրենսդրությանը»,- մասնավորապես նշված է որոշման մեջ։
