06.07.2026 | 09:53
Նիկոլ Փաշինյանն աշխատանքային այցով մեկնել է Ռուսաստանի Դաշնություն
Հանկարծ որևէ մեկի մտքով չանցնի, որ կառավարությունը ստվերային պայմանավորվածությունների մեջ է. ՏԵՍԱՆՅՈՒԹ
Քաղաքականություն
27.05.2021 | 14:41
ՀՀ վարչապետի պաշտոնակատար Նիկոլ Փաշինյանը Գեղարքունիքի մարզի Կութ գյուղում է, որի մոտակայքում առավոտյան ադրբեջանցիները ՀՀ ԶՈւ 6 պայմանագրային զինծառայողների են գերեվարել։
«Մեզ պետք է այս իրավիճակում համախմբվել: Ամեն անգամ, երբ Ադրբեջանը հարմար առիթ է տեսնում մեզ իրար դեմ հանելու համար, ավելի է ակտիվանում։ Դրա համար մենք պետք է շատ հստակ ցույց տանք` անկախ նրանից, որ ներսում տարաձայնություններ կան և այլն, իրենց գործողություններին ի պատասխան մեր առաջին քայլը լինելու է համախմբումը»,- կութեցիների հետ հանդիպմանը նշեց Փաշինյանը։
Նրա խոսքով՝ այս իրավիճակում է կարևոր է սթափ լինելը. «Որքան էլ իրավիճակը հուզական է, պետք է սթափությունն ու հավասարակշռությունը չկորցնել ճիշտ որոշումներ կայացնելու համար»
«Պետք է կարողանալ տեղեկատվության մեջ թացը չորից տարբերել, տեղեկատվական հնարքի ու տեղեկատվական պատերազմի զոհ չդառնալ ու զոհ չդարձնել մեզ։ Բոլորիդ աչքերի մեջ նայելով եմ ասում՝ որևէ մեկի մտքով չանցնի, թե այսօրվա կառավարությունն ինչ-որ ստվերային, մութ գործարքների, դավադրությունների մեջ է»,- հայտարարեց Փաշինյանը`հավելելով՝ իսկ ի՞նչ է տեղի ունենում. մեզնից ուզում են խլել մեր ինքնիշխանությունը, պետությունը, հայրենիքը:
