Հասարակություն
27.05.2021 | 11:58«Բոլորից դժգոհ եմ, բոլոր գերատեսչություններից: Երեխեն կորած է համարվում պատերազմի սկսման օրերից ու ոչ մի Քննչական կոմիտե, ոչ մեկը չի հետաքրքրվում: Այդ երեխու հետ եղել են շատ զորացրված երեխեք՝ նոր են զորացրվում, նահանջած, վիրավորված ու ոչ մեկին ոչ մեկը չի մոտեցել, չի հարցրել՝ ա՛յ բալա ջան, Բարսեղյան Սեյրանին վերջին անգամ ո՞վ է տեսել»,- «ՀՀ-ում անհայտ կորած անձանց և նրանց ընտանիքների իրավունքների պաշտպանության հնարավորությունները և խնդիրները» թեմայով քննարկման ժամանակ այս մասին պատմեց անհետ կորած զինվոր Սեյրան Բարսեղյանի հայրը՝ Արամ Վարագյանը:
«Ոչ մեկը չի նախաձեռնում ոչ մի բան, մոտավորապես տարին է լրանում, որ անհետ կորած է, ոչ մեկը չի մտածում: Ճիշտ է, ծնողը դու ես, դու պիտի մտածես, տասը անգամ գնաս Ղարաբաղ, հետ գաս, 1000 հատ գեներալ տենաս, 1000 հատ չինովնիկ, բայց մեկ է, ոչ մեկը ոչ մի լուր չի տալիս:
Սկզբնական շրջանում մահացածների ցուցակում չկար: Հետո մեր ջանքերով, Ուլնեցի 58 գնալով, այստեղ-այնտեղ դիմելով՝ հայտնվեց կորածների ցուցակներում, հետո՝ հավանական գերիների ցուցակում: Արման Թաթոյանի մոտ դիմում-նամակ գրեցինք, չընդունեցին, որովհետև լուսանկար, տեսանյութ չունենք: Արտակ Զեյնալյանի մոտ դիմեցինք, ճիշտ է, Սիրանույշ Սահակյանի միջոցով ամեն ինչ գրեցին, պատրաստեցին՝ չեն կարողանում ՄԻԵԴ դիմեն, ինչ է՝ հիմքեր չունենք:
Ոչ մեկը չի աշխատում, ես չգիտեմ ոնց արտահայտվեմ: Մինչև հիմա երեխուց լուր չկա ու չգիտենք վերջը ինչ է լինելու»,- ասաց Վարագյանը:
Մանրամասները՝ տեսանյութում:
