27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Մեծ է ճապոնացիների հետաքրքրությունը, մասնավորապես, հայ ըմբշամարտիկների նկատմամբ. դեսպանություն
27.05.2021 | 11:56
Մայիսի 27-ին դեսպանությունում կայացել է դեսպան Արեգ Հովհաննիսյանի հանդիպումը «Տոկիո 2020»-ում Հայաստանի պատվիրակությանը հյուրընկալող քաղաք, Ֆուկուշիմա պրեֆեկտուրայի Մինամիայձու քաղաքի քաղաքապետ Սոկիչի Օյայի հետ. տեղեկացնում են Ճապոնիայում ՀՀ դեսպանությունից:
Հանդիպմանը քննարկվել են Տոկիոյում կայանալիք ամառային օլիմպիական խաղերին Հայաստանի մարզիկներին Մինամիայձու քաղաքում հյուրընկալելու հետ կապված նախապատրաստական աշխատանքները:
Սոկիչի Օյան նշել է, որ քաղաքը շատ սպասում է հայ մարզիկների այցին՝ առանձնացնելով քաղաքի բնակիչների հետաքրքրությունը, մասնավորապես, հայ ըմբշամարտիկների նկատմամբ:
Դեսպան Արեգ Հովհաննիսյանն իր հերթին շնորհակալություն է հայտնել Սոկիչի Օյային Հայաստանի պատվիրակությանը հյուրընկալելու պատրաստակամության համար՝ նշելով, որ տեղյակ է քաղաքի կողմից հայ մարզիկներին հյուրընկալելու ուղղությամբ մի քանի տարի շարունակ կատարվող աշխատանքների՝ մամուլի հրապարակումների, դպրոցականների կողմից հայկական ստեղծագործությունների բեմադրությունների, Հայաստանի մշակույթի և պատմության մասին իրազեկվածության բարձրացմանն ուղղված միջոցառումների մասին և այլն:
