06.06.2026 | 10:00
Այսօր Հայաստանում լռության օր է
4213 ուսանողի փոխհատուցում է տրվել, որոնց ծնողը կամ իրենք մասնակցել են պատերազմին. Դումանյան. ՏԵՍԱՆՅՈՒԹ
Հասարակություն
27.05.2021 | 11:39
Կառավարությունն իր այսօրվա նիստում վերաբաշխում կատարեց 2021 թվականի բյուջեի մասին օրենքում, որի նպատակը վերջին պատերազմի ընթացքում մարտական գործողությունների մասնակից սովորողների, ինչպես նաև պատերազմի ընթացքում մարտական գործողությունների մասնակից անձանց ուսանող երեխաների և սովորող ամուսինների 2020-2021թթ. ուսումնական տարվա մեկ կիսամյակի ուսման վարձի փոխհատուցումն է:
ԿԳՄՍ նախարար Վահրամ Դումանյանը նշեց, որ մինչև հիմա ուսման վարձի փոխհատուցում տրվել է 4213 ուսանողի: Հատկացված միջոցները կազմել են 895,4 մլն դրամ:
Ներկայացվող նախագծով առաջարկվում է ԿԳՄՍՆ-ին հատկացված գումարներին 586,5 մլն դրամն ուղղել ևս 2735 ուսանողի, որից 2585-ը բուհերի, և 150-ը միջին մասնագիտական ուսումնական հաստատությունների ուսանողների մեկ կիսամյակի ուսման վարձի փոխհատուցմանը:
«Ընդհանուր առմամբ փոխհատուցում ստացողների թիվը կկազմի 6948, իսկ փոխհատուցման չափը՝ 1,463 մլրդ դրամ»,-նշեց նախարարը:
Մանրամասները՝ տեսանյութում:
