26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
ՀԱՊԿ-ը պատասխանել է կազմակերպության հասցեին Փաշինյանի քննադատությանը
Քաղաքականություն
26.05.2021 | 20:05
ՀԱՊԿ-ի մասին Հայաստանի վարչապետի պաշտոնակատար Նիկոլ Փաշինյանի՝ Ազգային ժողովում հնչեցրած հայտարարություններն ընդունվել են ի գիտություն, խորհրդակցությունների անցկացման ուղղությամբ աշխատանքը շարունակվում է։ Այս մասին ՌԻԱ Նովոստիին ասել է ՀԱՊԿ մամուլի քարտուղար Վլադիմիր Զայնետդինովը։
«Հայաստանի վարչապետի պաշտոնակատար Նիկոլ Փաշինյանի տեղեկությունն ընդունվել է ի գիտություն։ ՀԱՊԿ Հավաքական անվտանգության խորհրդի նախագահ Էմոմալի Ռահմոնի հանձնարարությամբ՝ համապատասխան աշխատանքը շարունակվում է»,- ասել է Զայնետդինովը։
Նա նաև հիշեցրել է, որ երեքշաբթի ՀԱՊԿ գլխավոր քարտուղարի տեղակալ Վալերի Սեմերիկովը հայտարարել է, որ հայ-ադրբեջանական սահմանին տիրող իրավիճակը պահանջում է անհապաղ միջոցներ ձեռնարկել, առաջին հերթին՝ քաղաքական-դիվանագիտական բնույթի, ինչպես նաև պետական սահմանի այդ հատվածում դեմարկացիայի և դելիմիտացիայի անցկացում։
Հիշեցնենք՝ այսօր ՀՀ Ազգային ժողովում Կառավարության անդամների հետ հարցուպատասխանի ժամանակ Նիկոլ Փաշինյանը նշել է, որ ՀՀ տարածք ներխուժած ադրբեջանցիների հարցով Հայաստանը կարող է գնալ ՄԱԿ-ի Անվտանգության խորհրդին դիմելու ճանապարհով, եթե պարզվի, որ ՀԱՊԿ-ի գործիքները կամ հայ-ռուսական միացյալ զորախմբի վերաբերյալ պայմանագրի գործիքները բավարար չեն այս իրավիճակն ու խնդիրը լուծելու համար:
