24.04.2026 | 20:30
Թբիլիսիի Խոջիվանքի պանթեոնում ոգեկոչել են Հայոց ցեղասպանության զոհերի հիշատակը
Ալիևն ասում է՝ ի՞նչ է տեղի ունեցել որ, սահման ենք ճշտում, որևէ կրակոց չկա. Վաղարշակ Հարությունյան. ՏԵՍԱՆՅՈՒԹ
Քաղաքականություն
26.05.2021 | 16:53
Ադրբեջանը տեղեկություն տարածելով, թե իբր հայկական զինված ուժերը կրակել են ադրբեջանական դիրքերի ուղղությամբ, փորձում է կոծկել իրենց գործողությունները՝ կրակոցները: Այս մասին ասաց ՀՀ պաշտպանության նախարարի պաշտոնակատար Վաղարշակ Հարությունյանը՝ ԱԺ-ում կառավարության անդամների հետ հարց ու պատասխանին:
«Իմ քայլը» խմբակցությունից Նազելի Բաղդասարյանը հիշեցրեց Ադրբեջանի զավեշտալի հայտարարությունը, թե հայկական կողմը մայիսի 24-26 ընկած ժամանակում գնդակոծել է Ադրբեջանի մարտական դիրքերը, ընդ որում այդ հայտարարությունը հաջորդել է նախօրեին տեղի ունեցած ողբերգական դեպքերին: Պատգամավորը նկատեց՝ զավեշտալի է, որ այդ հայտարարությունը 2 օր ուշացումով է արվել:
Հարությունյանը հիշեցրեց, որ նախարարությունը մի քանի ժամ առաջ հերքել է այդ տեղեկատվությունը:
«Ակնհայտ է Ադրբեջանի մտահղացումը: Ադրբեջանցիները զենք են օգտագործել, որի հետևանքով հայ զինծառայող է զոհվել, և հիմա նրանք փորձում են դա կոծկել:
Դա իրենց կողմից հնարք է, որպեսզի հանրությանը ցույց տան, որ հայկական կողմն է գործողությունների գնում: Մենք գիտենք՝ իրենք ի՛նչ մարտավարություն են մշակել: Ալիևը հայտարարում է՝ սահման ենք ճշտում, ինչ է եղել որ, և ոչ մի կրակոց չկա, բայց երեկ այդ կրակոցը եղավ»,- ասաց նախարարի պաշտոնակատարը:
Մանրամասները՝ տեսանյութում:
