06.06.2026 | 11:21
ԿԸՀ-ն բավարարել է պատգամավորի 6 թեկնածուի անձեռնմխելիությունից զրկելու միջնորդությունը. նրանց ձերբակալելու որոշում է կայացվել
Ցավոք, շատ դեպքերում իշխանական օղակներից է գալիս թշնամանքը․ ՀՌՀ նախագահ. ՏԵՍԱՆՅՈՒԹ
Քաղաքականություն
26.05.2021 | 13:33
Լրատվամիջոցների նկատմամբ թշնամանքը բխում է իշխանություններից։ Այսօր ԱԺ-ում նման հայտարարությամբ է հանդես եկել ՀՌՀ նախագահ Տիգրան Հակոբյանը՝ արձագանքելով իմքայլական պատգամավոր Ծովինար Վարդանյանի հայտարարությանը, թե մամուլի կողմից երբեմն հրապարակվում են ՀՀ ազգային անվտանգությանը սպառնացող տեղեկություններ, և իրենք մտադիր են օրենսդրական կարգավորումներ նախատեսել ու հետաքրքրվել, թե ինչ է մտածում այդ մասին Տիգրան Հակոբյանը։
«Պատերազմի առաջին 20 օրվա ընթացքում բոլոր հեռուստաընկերությունները, բացառությամբ մի հեռարձակվողից, որը պատժվեց դրա համար, անշեղորեն կատարել են այն, ինչ ՀՌՀ-ն ասում էր… Ցավոք, շատ ժամանակ իշխանական օղակներից էր գնում թշնամանք, երբ հեռուստաընկերություններին ասում էին՝ կաշառված եք, դուք մերն եք, մերը չեք»,- հայտարարեց ՀՌՀ նախագահ Տիգրան Հակոբյանը՝ ընդգծելով, որ մամուլի հետ պետք է ընկերություն անել, ոչ թե՝ թշնամանալ. մամուլի հետ պետք է աշխատել, միայն օրենսդրական գործիքներով խնդիրը չի լուծվում:
«Հայաստանում տեղեկատվական քաղաքականության հայեցակարգ մշակված չէ: Ինչն է ճիշտ, ինչը՝ սխալ, ինչն է վնասում մեր ազգային անվտանգությանը, որևէ կանոն չկա, ամեն մեկն իր ձևով է հասկանում:
Լրատվամիջոցն էլ արձանագրում է, որ ինքը ժողովրդավարության գազազած շունն է, պետությունը կարող է ինչ-որ բան թաքցնի, իսկ ինքը չի թաքցնում ու պետք է ինֆորմացիան տարածի։
Թեև շատ է խոսվում է ապատեղեկատվության հեղեղից, բայց շատ քիչ են արձագանքներն ու պատասխանները՝ կարևորելով, որ պետական մարմինները ցուցաբերեն ակտիվություն տեղեկատվություն տրամադրելու, ինչպես նաև պարզաբանումներ տալու հարցում,-նշեց ՀՌՀ նախագահը:
Մանրամասները՝ տեսանյութում:
