07.10.2026 | 20:38
Միկել Արտետան նոր պայմանագիր է կնքել «Արսենալի» հետ
ՄԱԿ-ին դիմելը մեր հնարավոր քայլերից մեկն է. Ռուբեն Ռուբինյան. ՏԵՍԱՆՅՈՒԹ
Քաղաքականություն
26.05.2021 | 12:36
ՄԱԿ-ի Անվտանգության խորհուրդ դիմելը հնարավոր քայլերից մեկն է, բայց հայկական կողմի տարբեր քայլեր ունեն իրենց ժամանակը և նպատակահարմարությունը։ Այս մասին խորհրդարանում լրագրողների հետ զրույցում ասաց ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինյանը՝ անդրադառնալով ՀՀ սահմանային իրավիճակին։
«Ես նաև չեմ բացառում, որ դրան նույնպես կարող է հասնել գործը։ Թե երբ, դա կախված է տարատեսակ հանգամանքներից»,-ասաց Ռուբինյանը։
Անդրադառնալով հարցին, որ ՀԱՊԿ-ից չկա պատշաճ արձագանք, ինչքա՞ն է պատրաստվում սպասել հայկական կողմը, Ռուբինյանը նշեց․ «Մենք ունենք գործընթաց, այո, այդ գործընթացը չի ընթանում այն արագությամբ կամ արդյունավետությամբ, որը մենք կուզեինք տեսնել։ Բայց մենք պիտի գործենք՝ ամեն ինչ հաշվարկելով։ Եվ ես վստահ եմ, որ այս իրավիճակը պետք է փոխվի»։
Ռուբինյանի խոսքով՝ հայկական կողմը նախ ակնկալում է, որ դաշնակիցները կկատարեն իրեն պայմանագրային պարտավորությունները։ «Եվ, եթե դա չհաջողվի, Հայաստանն իրեն իրավունք է վերապահում խնդիրը լուծել այլ ճանապարհով»,- հավելեց նա։
Մանրամասները՝ տեսանյութում:
