Գործադուլ են անում բոլորը․ Վրաստանում չի հանդարտվում աշխատանքային բողոքի ցույցերի ալիքը

Վրաստանում գործադուլները շարունակվում են. արդեն ութերորդ օրն է, ինչ «Բորժոմի» հանքային ջրի շշալցման գործարանի աշխատողները գործադուլ են անում, բողոքում են նաև զովացուցիչ ըմպելիքներ արտադրող Tskali Margebeli ընկերության աշխատակիցները,  Guria Express ալրաղացների աշխատակիցները ևս երեք շաբաթ է՝ չեն վերադառնում իրենց աշխատանքին, գրում է Sputnik-ի վրացական ծառայությունը:

Երկրորդ շաբաթն է Բորժոմի գործարանի աշխատողները, արհմիության աջակցությամբ, հրաժարվում են աշխատել ՝ պահանջելով ավելի բարձր աշխատավարձեր և աշխատանքային ավելի լավ պայմաններ: IDS Borjomi- ի ղեկավարությունը աշխատակիցներին հրավիրել է նստել բանակցությունների սեղանի շուրջ, բայց առանց միջնորդների մասնակցության `ի դեմս արհմիության, բայց աշխատողները հրաժարվել են այս տարբերակից:

«Բորժոմիից» հետո գործադուլ հայտարարեցին նաև «Ցխալի Մարգեբելի» ընկերության աշխատակիցները, որը զբաղվում է Վրաստանում ոչ պակաս հայտնի «Նաբեգլավի» հանքային ջրի, ինչպես նաև լիմոնադի, զովացուցիչ ըմպելիքների և էներգետիկ ըմպելիքների շշալցմամբ: Գործադուլավորների պահանջները նույնն են `ավելի բարձր աշխատավարձեր և ավելի լավ աշխատանքային պայմաններ:

Երկաթուղայինները ևս կանգնած են գործադուլ սկսելու եզրին։ Նրանք արհմիություն են ուղարկել կոլեկտիվ նամակ, որում ներկայացրել են իրենց պահանջները «Վրացական երկաթուղուն» ՝ բարձրացնել աշխատավարձերը և նրանց հետ կոլեկտիվ աշխատանքային պայմանագիր կնքել:

Տաթև Ֆռանգյան