19.04.2024 | 20:16
Ստեփանծմինդա-Լարս ավտոճանապարհը փակ է
Վերաքննիչ դատարանը մերժել է Դատախազությանը․ Մեղրիի համայնքապետը կմնա ազատության մեջ
Հասարակություն
24.05.2021 | 15:19
Վերաքննիչ դատարանը, դատավոր Արմեն Բեկթաշյանի նախագահությամբ, մերժել է դատախազի բողոքը և ուժի մեջ թողել Մեղրի համայնքի ղեկավար Մխիթար Զաքարյանի կալանավորումը մերժելու մասին առաջին ատյանի դատարանի որոշումը։ Այս մասին Factor.am-ը տեղեկացավ Զաքարյանի պաշտպան Երեմ Սարգսյանից։
Հիշեցնենք, որ վարչապետ Նիկոլ Փաշինյանի՝ Սյունիք կատարած այցի ժամանակ տեղի ունեցած ակցիայի դեպքերով հարուցվել էր քրեական գործ՝ խուլիգանության հատկանիշներով:
Մեղադրանք է առաջադրվել 19 անձի, այդ թվում՝ Մխիթար Զաքարյանին: Մխիթար Զաքարյանը չի ընդունում մեղադրանքը։
Լիլիթ Շաբոյան
