30.06.2026 | 11:27
Քրեական վարույթ՝ Վանաձորում օդաճնշիչ ատրճանակից կրակոցների դեպքով
ԱՄՆ Վրաստանին հատկացրել է 67 միլիոն դոլարի գրանտ՝ երկրի զարգացման համար
Քաղաքականություն
21.05.2021 | 15:45
Վրաստանի վարչապետ Իրակլի Ղարիբաշվիլիի խոսքով ՝ այսօր զգալի դրամաշնորհային համաձայնագիր կստորագրվի երկրի ռազմավարական գործընկերոջ ՝ Ամերիկայի Միացյալ Նահանգների հետ: Ըստ Վրաստանի կառավարության ղեկավարի՝ USAID-ն առաջին փուլում կտրամադրի 67 մլն դոլարի չափով դրամաշնորհ, որը կարող է աստիճանաբար հասցվել 330 մլն դոլարի , գրում է «Նովոստի Գրուզիան»:
Վարչապետը նշել է, որ համաձայնագիրը նպատակ ունի ստեղծել բարձր վարձատրվող և որակյալ զբաղվածություն, ամրապնդել հաշվետու կառավարում և ամրապնդել ժողովրդավարական ձեռքբերումները:
«Վրաստանի կայուն զարգացմանը նպաստելու մասին համաձայնագիրը ներառում է մի շարք ռազմավարական ոլորտներ, ինչպիսիք են՝ հակամարտությունների լուծումը, գյուղատնտեսության և մասնավոր հատվածի զարգացումը, օրենքի գերակայությունը, մարդու իրավունքների պաշտպանությունը, ժողովրդավարական կառավարումը, քաղաքացիական հասարակությունը, բազային կրթությունը, ինչպես նաև սոցիալական ծառայությունները և շրջակա միջավայրի պաշտպանությունը:
Իհարկե, այս ամենը ծառայում է մեր երկրի տնտեսական աճին և կայուն զարգացմանը, ինչպես նաև ազատ շուկայի ամրապնդմանը և ընդհանուր արևմտյան կողմնորոշմանը»,- հայտարարել է Ղարիբաշվիլին։
Տաթև Ֆռանգյան
