30.06.2026 | 11:35
ԱՄՆ-ի և Իրանի բանակցողները մեկնում են Դոհա, սակայն հանդիպումը հաստատված չէ
Ադրբեջանի ԶՈւ-ն կրակել է Արցախի դիրքի ուղղությամբ․ ԱԱԾ-ն 2,5 մլրդ կստանա լարվածության ֆոնին․ Լուրեր
Քաղաքականություն
21.05.2021 | 12:15
Մայիսի 17-ին՝ ժամը 17.05-ի սահմաններում Ադրբեջանի ԶՈՒ մի խումբ զինծառայողներ, 7 րոպե անընդմեջ թիրախային կրակ են վարել Արցախի մարտական դիրքերից մեկում ինժեներական աշխատանքներ կատարող Մարտունու շրջանի Սոս գյուղի բնակչի էքսկավատորի և մարտական դիրքի անձնակազմի ուղղությամբ: Զոհեր ու վիրավորներ չկան։ Հարուցվել է քրեական գործ։
—
Ազգային անվտանգության ծառայության բնականոն գործունեության համար կառավարության պահուստային ֆոնդից ԱԱԾ-ին հատկացվել է 2 մլրդ 435 մլն 201 հազ դրամ։ ԱԱԾ-ի բյուջեն շուրջ 2,5 մլրդ դրամով ավելանում է սահմանային լարվածության ֆոնին:
—
Խաղաղությունը բարձրագույն արժեք է, բայց չպետք է թույլ տալ թմրեցնել մեզ ադրբեջանական կեղծ խաղաղասիրությամբ. գրել է ՀՀ ՄԻՊ Արման Թաթոյանը: Նա հիշեցրել է, որ Ադրբեջանի հետ միայն սահմանազատումը` առանց անվտանգության գոտու, ոչ միայն չի ապահովելու ՀՀ քաղաքացիների ու հատկապես ՀՀ սահմանային բնակիչների իրավունքները, այլ կդառնա նոր խախտումների ու նոր լարվածության պատճառ
—
Արցախից տեղահանվածները խաղաղ ակցիա են իրականացրել ՀՀ-ում ՌԴ դեսպանատան մոտ: Ցուցարարները այնտեղ են եղել ՀԱՊԿ գրառմամբ փուչիկներով։ Ցուցարարներից մեկը նշել է, որ միջազգային կառույցները պետք է վերականգնեն ստատուս քվոն ու բանակցային գործընթացը։
