07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
ԼՂ պատմամշակութային ժառանգության պահպանության հարցը պարբերաբար քննարկվում է Բաքվի հետ․ Զախարովա. ՏԵՍԱՆՅՈՒԹ
Քաղաքականություն
21.05.2021 | 12:00
ԼՂ և հարակից տարածքների պատմամշակութային ժառանգության պահպանության թեման պարբերաբար քննարկվում է ինչպես պաշտոնական Բաքվի, այնպես էլ պաշտոնական Երևանի հետ: Այս մասին այսօր՝ մայիսի 21-ի ճեպազրույցում ասաց ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով Ադրբեջանի կողմից հայկական մշակութային ժառանգության ոչնչացման վերաբերյալ հարցին:
«Թեման, մասնավորապես, շոշափվել է մայիսի առաջին կեսին Ռուսաստանի արտաքին գործերի նախարար Սերգեյ Լավրովի Հայաստան և Ադրբեջան կատարած աշխատանքային այցի ընթացքում։ Մենք կողմ ենք տարածաշրջանում ՅՈւՆԵՍԿՕ առաքելության շուտափույթ կազմակերպմանը, աշխատում ենք նաև ԵԱՀԿ Մինսկի խմբի համանախագահների գծով»,- նշել է ՌԴ ԱԳՆ պաշտոնական ներկայացուցիչը:
Զախարովան հիշեցրել է, որ ընթացիկ տարվա ապրիլի 13-ին ԵԱՀԿ Մինսկի խմբի համանախագահների ընդունած հայտարարությունում նշված է. «Կրոնական և մշակութային ժառանգության պահպանումն ու պաշտպանությունը պատկանում է այն հարցերի թվին, որոնք Ադրբեջանից և Հայաստանից պահանջում են լրացուցիչ ջանքերի գործադրում»։
Մանրամասները՝ տեսանյութում:
