09.06.2026 | 13:05
Մենք կսկսենք նաև մեքենայի ներսում արձանագրել վարչական իրավախախտումը, այն է՝ հեռախոսը․ փոխնախարար․ ՏԵՍԱՆՅՈՒԹ
Գիտնականները բացահայտել են շնից մարդուն կորոնավիրուսի նոր շտամի փոխանցման դեպքեր
Քաղաքականություն
21.05.2021 | 14:28
ԱՄՆ-ից և Մալազիայից գիտնականները բացահայտել են շներից մարդկանց կորոնավիրուսով վարակման դեպքեր: Այս մասին գրում է korrespondent-ը՝ հղում կատարելով գիտնականների ուսումնասիրություններին։
Նշվում է, որ դեռևս 2018 թվականին գիտնականները հետազոտել են Մալազիայում թոքաբորբով հիվանդների քթից վերցված քսուքը։ Նրանցից 8-ի մոտ , որոնցից 7-ը երեխաներ են, հայտնաբերվել է նախկինում չհայտնաբերված կորոնավիրուս, որը գիտնականներն անվանել են CCoV-HuPn-2018։
Հրապարակված հետազոտության մեջ գիտնականները հայտնել են, որ CCoV-HuPn-2018 կորոնավիրուսը, որով նախկինում վարակել են միայն շներին, վարակիչ է դարձել նաև մարդկանց համար։ Դեռևս հայտնի չէ, թե կարող է արդյոք վիրուսը մարդուց մարդ փոխանցվել և ինչպես է մարդկանց իմունիտետը կարողանում պայքարել դրա դեմ։
«Այժմ մենք այս վիրուսի պատճառով նոր համաճարակի առաջացման անհանգստության պատճառ չենք տեսնում, սակայն չեմ կարող բացառել, որ այն ապագայում չի լինի»,- հայտարարել է Անաստասիա Վլասովան՝ Օհայոյի համալսարանում հետաքննությամբ զբաղվող գիտնականներից մեկը։
Նշվում է, որ այս վիրուսով վարակված 8 հիվանդներն էլ 4-6 օրվա ընթացքում առողջացել են ու դուրս են գրվել հիվանդանոցից։
