05.07.2026 | 22:44
Աշխարհի առաջնությունների պատմության մեջ առաջին անգամ ֆուտբոլիստի կարմիր քարտը չեղարկվել է
Քարոզարշավը չմեկնարկած՝ Տարոն Մարգարյանի պաստառները ողողել են Երևանի կենտրոնը (տեսանյութ)
Հասարակություն
20.04.2017 | 17:42
Չնայած նրան, որ Երևանի ավագանու ընտրությունների քարոզարշավը մեկնարկելու է վաղվանից՝ ապրիլի 21-ից, սակայն արդեն այսօր գործող քաղաքապետ, ՀՀԿ համամասնական ցուցակը գլխավորող Տարոն Մարգարյանը սկսեց այն։ Բաղրամյան պողոտայում,Թումանյան և Տերյան փողոցներում փակցված են Տարոն Մարգարյանի քարոզչական պաստառները, որոնք էլ Factor.am-ի տեսախցիկը ֆիքսեց։
Ցուցապաստառում գրված է՝ Երևանի ավագանու ընտրություններ և 3 թիվը, քանի որ ավագանու ընտրություններում ՀՀԿ-ն քվեաթերթիկում երրորդն է։ Հիշեցնենք, որ Երևանի ավագանու ընտրություններում առաջադրված է երեք ուժ՝ Զարուհի Փոստանջյանի հիմնադրած «Երկիր ծիրանի» կուսակցությունը, Նիկոլ Փաշինյանի առաջնորդությամբ՝ «Ելք» դաշինքը և Հայաստանի հանրապետական կուսակցությունը։
