30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Դուք շանտաժի եք ենթարկվում․ այս պայմաններում դելիմիտացիան և դեմարկացիան ինքնասպանություն է․ Աբովյան․ ՏԵՍԱՆՅՈՒԹ
Տեսանյութեր
20.05.2021 | 21:21
Թուրքը՝ ադրբեջանցին, մտել է հայկական տարածք ու շանտաժի է ենթարկում Հայաստանի Հանրապետությանը. դուրներս գա-չգա դա է: Այս մասին ԱԺ արտահերթ նիստում նշեց ԱԺ ԲՀԿ խմբակցության քարտուղար Արման Աբովյանը:
«Այդ շանտաժի արդյունքում դելիմիտացիայի ու դեմարկացիայի մասով ինչ-որ փաստաթուղթ է ծնվում…
Ասում եք՝ ընդդիմությունը խեղաթյուրում է, դուրս եկեք այստեղ ու ասեք՝ ժողովո՛ւրդ ջան, ձեզ խաբում են, ոչ մի հատ հայկական գյուղ չի հանձնվելու երբեք»,- իշխանությանը կոչ արեց պատգամավորը:
«Ամեն ինչ սկսվեց նրանից, որ ասվեց՝ դելիմիտացիայից, դեմարկացիայից են խոսում: Ո՞ւմ հետ, խուժանի հե՞տ, որը մտել է մեր տարածք: Ինձ մոտ տպավորություն է, որ դուք ավելի շատ հակված եք նրան, որ թուրքն ու ադրբեջանցին կպահպանեն այն պայմանավորվածությունները, որոնք ձեռք կբերվեն: Ո՞վ է ձեզ տենց բան ասել: Նոյեմբերի 9-ին ստորագրված փաստաթղթի դրույթները պահո՞ւմ են, գերիների պահը հիշեք: Չե՞ք տեսնում, որ խախտում են, խաբում են ու էլի խաբելու են»,- նշեց Աբովյանը:
Պատգամավորն ընդգծեց, որ այս պայմաններում սահմանների ճշգրտումը՝ դեմարկացիան, դելիմիտացիան ինքնասպանություն է. «Եթե դա գործիք է, որ թուրքի զորքը դուրս գա մեր տարածքից, դա երկակի ինքնասպանություն է: Դուրս եկավ, նորից կմտնի: Ի՞նչն է իրենց խանգարելու, որ չմտնեն»,-ասաց Արման Աբովյանը:
Նա հարց ուղղեց, թե արդյո՞ք դելիմիտացիան և դեմարկացիան նշանակում է, որ մենք ճանաչում ենք Ադրբեջանի տարածքային ամբողջականությունը…
«Եթե մտածում եք, որ այդ դելիմիտացիան թույլ կտա, որ ադրբեջանական զորքը դուրս գա, դա շանտաժ է, իսկ ով ենթարկվում է շանտաժի, նրան հա էլ շանտաժ են անելու»,- նշեց Աբովյանը:
«Հայաստանից գյուղեր հանձնվելու են թե ոչ»,- հստակ հարցադրում արեց պատգամավորը՝ հավելելով՝ մարդիկ նայում են մեր աչքերի մեջ ու հարցնում՝ մեր գյուղը տալու եք ադրբեջանցիների՞ն, թե՞ չէ:
Մանրամասները՝ տեսանյութում:
