09.06.2026 | 14:20
Պատրաստվում ենք դիմել ՍԴ՝ վիճարկելու ընտրության արդյունքները․ Իշխան Սաղաթելյան․ ՏԵՍԱՆՅՈՒԹ
Մոսկվայի համար կարևոր չէ՝ կմասնակցի Հայաստանի ու Ադրբեջանի միջև սահմանների ճշգրտմանը, թե՝ ոչ․ ՌԴ փոխարտգործնախարար
Քաղաքականություն
20.05.2021 | 18:35
ՌԴ արտաքին գործերի փոխնախարար Անդրեյ Ռուդենկոն «Կոմերսանտի» հետ զրույցում ասել է, որ Մոսկվայի համար կարևոր չէ՝ կմասնակցի՞ Հայաստանի ու Ադրբեջանի միջև սահմանների ճշգրտմանը, թե՝ ոչ։ Զրույցը տեղի է ունեցել Կազանում անցկացվող «Վալդայ» միջազգային քննարկման ակումբի Կենտրոնական Ասիային նվիրված համաժողովի շրջանակում։
«Մեզ համար գլխավորն այն չէ, քանի մասնակից կա գործընթացում, այլ այն, որ հարցը լուծվի ինչքան հնարավոր է արագ ու խաղաղ ճանապարհով»,- ասել Ռուդենկոն՝պատասխանելով Բաքվից հնչող հարցին։
Նա նաև ընդգծել է, որ 2020թ-ի նոյեմբերի 9-ի հայտարարությունը, որը ստորագրել են Ռուսաստանի, Հայաստանի ու Ադրբեջանի ղեկավարները, վերաբերում է միայն Լեռնային Ղարաբաղին ու կապ չունի Ադրբեջանի ու Հայաստանի միջև պետական սահմանի դելիմիտացիայի ու դեմարկացիայի հետ։
«Միջադեպը, որը հիմա կա, կապ չունի Լեռնային Ղարաբաղի հետ։ Դրա համար ռուսական խաղաղապահ զորախումբը չի կարող որևէ դերակատարում ունենալ այդ հարցում»,- ասել է Անդրեյ Ռուդենկոն։
Ամեն դեպում, ըստ ՌԴ փոխարտգործնախարարի, այդ աշխատանքի արդյունքը պիտի լինի « պետական սահմանի մասին պայմանագիրը, որը չկա և երբեք չի եղել»։
Էմմա Չոբանյան
