18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Փաշինյանը մտածում է, թե ինքը ժողովուրդն է և ինչ գիտի՝ դա ժողովրդից թաքուն չէ. Մարուքյան. ՏԵՍԱՆՅՈՒԹ
Քաղաքականություն
20.05.2021 | 13:28
«Փաշինյանը մտածում է, թե ինքը ժողովուրդն է և ինչ ինքը գիտի՝ դա ժողովրդից թաքուն չէ: Պետք է իրեն սթափեցնել, որ ինքը ժողովուրդը չէ, և ժողովուրդը չգիտի, թե ինչ է ինքը բանակցում»,- այս մասին լրագրողների հետ զրույցում նշեց «Լուսավոր Հայաստան» խմբակցության ղեկավար Էդմոն Մարուքյանը:
Մարուքյանի խոսքով՝ ժողովրդի թիկունքում հերթական անգամ փաստաթուղթ է նախապատրաստվել, որի բովանդակությունից տեղեկություն չունեն ո՛չ ժողովուրդը, ո՛չ նրա կողմից ընտրված որևէ ներկայացուցիչ:
«Եվ հիմա մենք ուզում ենք արտահերթ նիստ հրավիրել, պահանջենք ժողովրդի անունից, որ չեն կարող ժողովրդի թիկունքում բանակցել և թուղթ ստորագրել և միանձնյա պնդել, որ այդ ամենը բխում է ՀՀ շահերից՝ 100 տոկոսով: Եթե լավ բան է գրված, բերեք կարդանք»,- նշեց Մարուքյանը:
Հիշեցնենք, որ Կառավարության նիստում վարչապետի պաշտոնակատար Նիկոլ Փաշինյանը հայտարարել է. «Այն լուծումները, որոնք այս պահին մեր միջազգային գործընկերների հետ ձեռք են բերված նախնական համաձայնություններ, այդ լուծումները հարյուր տոկոսով համապատասխանում են ՀՀ շահերին ու, եթե Ադրբեջանն այդ պայմանավորվածություններն իրագործի, այո, ես այդ թուղթը ստորագրելու եմ»։
Մանրամասները՝ տեսանյութում:
