18.12.2025 | 22:20
Վթար Ներքին Դվին գյուղում․ կան տուժածներ
Արմեն Գևորգյանի հնարավոր բոլոր հարազատների գույքի վրա արգելանք է դրվել․ փաստաբան. ՏԵՍԱՆՅՈՒԹ
Հասարակություն
20.05.2021 | 13:06
Այսօր՝ առավոտյան, ՀՔԾ է կանչվել ՀՀ նախկին փոխվարչապետ Արմեն Գևորգյանը. նրան մեղադրանք է առաջադրվել շուրջ 5 միլիարդ ՀՀ դրամի` հանցավոր ճանապարհով ստացված եկամուտներն օրինականացնելու համար:
«Արմեն Գևորգյանի նկատմամաբ սույն գործով մեղադրանք առաջադրվեց այն բանից հետո, երբ հայտարարվեց, որ նա ստանձնելու է «Հայաստան» դաշինքի շտաբի ղեկավարի պարտականությունները: Այս չարաբաստիկ մեղադրանքը որևէ աղերս չունի իրականության հետ, այն սկզբից մինչև վերջ պարունակում է քաղաքական երանգներ»,- այս մասին լրագրողների հետ զրույցում նշեց Արմեն Գևորգյանի փաստաբան Էրիկ Ալեքսանյանը:
Նա նաև նշեց, որ անգամ այն ժամանակ, երբ Գևորգյանը չուներ կասկածյալի կամ մեղադրյալի կարգավիճակ, թե՛ Գևորգյանի, թե՛ նրա բարեկամների ամբողջ գույքի վրա դրված է եղել կալանք. «Հաստատվել էր այդ որոշման ապօրինի լինելու հանգամանքը, և ՀՔԾ-ն որոշում էր կայացրել իրավունքի խախտումը վերացնելու մասին»:
Փաստաբանի խոսքով՝ այս գործը հարուցվել է մեկ տարի առաջ, խոսքը վերաբերում է փողերի լվացմանը՝ ՔՕ 190-րդ հոդվածով:
Գևորգյանի փաստաբան Լուսինե Սահակյանը հավելեց, որ Արմեն Գևորգյանի հարազատների, կնոջ, հնարավոր բոլոր հարազատների գույքերի վրա արգելանք է դրվել և, ըստ մեղադրանքի, այդ գույքերը ձեռք են բերվել Արմեն Գևորգյանի կողմից՝ փողերի լվացման արդյունքում։ «Խոսքը գնում է այն գույքերի մասին, որոնք առկա են եղել նույնիսկ մինչև Արմեն Գևորգյանի ծնվելը, այսինքն՝ այս աստիճանի աբսուրեդ իրավիճակ է ստեղծվել»,- ասաց Սահակյանը։
Մանրամասները՝ տեսանյութում։
