14.01.2026 | 21:27
Թուրքիայի ընդդիմադիր ազգայնական կուսակցության ղեկավարը Պոլսի Հայոց պատրիարքարան է այցելել
Չեմ կարծում, որ այսօրվա բանակցությունները արդյունք կտան, քանի որ խաղի մեջ ՌԴ-ն է․ Մեհրաբյան. ՏԵՍԱՆՅՈՒԹ
Քաղաքականություն
19.05.2021 | 12:28
«Տեղի ունեցածը ներխուժում է ՀՀ սուվերեն տարածք, ագրեսիա է ՀՀ դեմ… Բանակցությունները շարունակվում են: Ես չեմ կարծում, որ այսօրվա բանակացությունները ինչ-որ արդյունք կտան: Այս մասին «Սահմանների հարցով բանակցությունները կշարունակվեն մայիսի 19-ին. ի՞նչ սպասել» թեմայով առցանց քննարկման ժամանակ նշեց քաղաքագետ Ռուբեն Մեհրաբյանը:
«Խաղի մեջ է Ռուսաստանը, իսկ Ռուսաստանը միանգամայն այլ օրակարգի վրա է փորձում կողմերի ուշադրությունը հրավիրել, որը բավականին վտանգավոր օրակարգ է, դա սահմանների դելիմիտացիան և դեմարկացիան է, որը ես անվանում եմ կեղտոտ խաղ»,- նշեց քաղաքագետը:
Նշենք, որ Անվտանգության խորհրդի մայիսի 17-ի նիստի ընթացքում վարչապետի պաշտոնակատար Նիկոլ Փաշինյանը հայտարարեց, որ սահմանային հարցով բանակցությունները կշարունակվեն մայիսի 19-ին:
Մինչ բանակցությունների շարունակվելը պաշտպանության նախարարի պաշտոնակատար Վաղարշակ Հարությունյանը հեռախոսազրույց է ունեցել Հավաքական անվտանգության պայմանագրի կազմակերպության գլխավոր քարտուղար Ստանիսլավ Զասի հետ։ Հարությունյանը նշել է՝ հաշվի առնելով հանգամանքը, որ ադրբեջանցի զինվորականները գտնվում են հայկական ստորաբաժանումների լիարժեք վերահսկողության տակ, ինչպես նաև, որ սահմանային այդ հատվածներում երկու կողմից էլ մեծ ուժեր են կուտակված, իրավիճակը արագ չհանգուցալուծելու դեպքում հետևանքները կարող են անկանխատեսելի լինել։
Մանրամասները՝ տեսանյութում:
