15.12.2024 | 20:28
Վարազդատ Լալայանը՝ ծանրամարտի աշխարհի չեմպիոն. Armsport.am
Սա օրհասական նախագիծ է․ Սոֆյա Հովսեփյանը՝ սահմանամերձ համայնքների մասին. ՏԵՍԱՆՅՈՒԹ
Քաղաքականություն
19.05.2021 | 12:21
Մեկնարկել է ԱԺ Տարածքային կառավարման, տեղական ինքնակառավարման, գուղատնտեսության և բնապահպանության հարցերի մշտական հանձնաժողովի նիստը: Քննարկվում է ԱԺ անկախ «Սահմանամերձ համայնքների սոցիալական աջակցության մասին» օրենքում փոփոխություններ կատարելու մասին նախագիծը, որը հեղինակել են անկախ պատգամավորներ Թագուհի Թովմասյանը, Սոֆյա Հովսեփյանը և Աննա Գրիգորյանը:
«Նախագծով առաջարկվում է օրենքով ամրագրել, որ Հայաստանի Հանրապետության սահմանամերձ համայնքների վարչական տարածքում գտնվող գյուղատնտեսական նշանակության հողերում աճեցված բուսաբուծական արտադրանքը ենթակա է երաշխավորված գնման պետության կողմից»,- ներկայացրեց Սոֆյա Հովսեփյանը:
«Որպեսզի արտագաղթը կանխենք, նախատեսում ենք հնարավորություն տալ և խրախուսել սահմանամերձ մեր համայնքների բնակիչներին զբաղվել գյուղատնտեսությամբ: Նախագծի ընդունմամբ լուծվելու է երկու հարց՝ պարենային անվտանգության խնդիրը և այն, որ սահմանամերձ համայնքների բնակիչները կմնան իրենց համայնքներում՝ զբաղվելով գյուղատնտեսությամբ»,- նշեց Հովսեփյանը՝ ընդգծելով, որ ներկայացված նախագիծը օրհասական է և պետք է այն ընդունել:
Մանրամասները՝ տեսանյութում:
