20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ադրբեջանցիների անհարիր պահվածքի համար Կարմիր շուկայի բնակիչները դիմել են ռուս խաղաղապահներին
Քաղաքականություն
19.05.2021 | 12:01
ԱՀ Մարտունու շրջանի Կարմիր Շուկա համայնքի բնակիչները երեկ՝ մայիսի 18-ին, ադրբեջանցիների ոչ պատշաճ պահվածքի համար դիմել են գյուղի տարածքում տեղակայված ռուս խաղաղապահներին:
Այս մասին «Արցախպրես»-ի թղթակցի հետ զրույցում ասել է Կարմիր շուկա համայնքի ղեկավար Նարեկ Աթայանը:
Նրա խոսքով՝ շաբաթական երեք անգամ թշնամու ավտոշարասյունն անցնում է գյուղի տարածքով՝ այդ ընթացքում դրսևորելով լկտի պահվածք։
«Երեկ էլ, ինչպես միշտ, ադրբեջանցի վարորդները, գերազանցելով արագությունը , վազանց են կատարել՝ խուճապային տրամադրություն ու վախի մթնոլորտ ստեղծելու նպատակով նույն ճանապարհով երթևեկող հայ վարորդների շրջանում: Նրանք նաև տարբեր արհամարհական ժեստեր են անում և հեռախոսներով լուսանկարում, ինչն անթույլատրելի է համարվում: Այս ամենի մասին մենք տեղեկացրել ենք ռուս խաղաղապահներին, որպեսզի ավելի ուշադիր ու խիստ լինեն այդ երևույթները վերացնելու համար: Խաղաղապահ ուժերի ներկայացուցիչները լսել և ընդունել են մեր մտահոգությունները և խոստացել, որ հարցերին լուծում կտան»,- մասնավորապես ասել է Ն. Աթայանը:
