15.01.2025 | 22:49
Կստեղծվի ոստիկանության բարեփոխումները համակարգող նոր խորհուրդ․ վարչապետը համակարգող խորհրդի նախագահն է
Մեր աշխարհայացքով հայամետ ենք. Շիրինյանի կուսակցությունը ընտրությանը կմասնակցի Բաբաջանյանի ուժի հետ․ ՏԵՍԱՆՅՈՒԹ
Քաղաքականություն
18.05.2021 | 20:45
Այսօր ձևավորվեց «Շիրինյան-Բաբաջանյան ժողովրդավարների դաշինք»-ը: «Հանուն Հանրապետության» և «Քրիստոնեա-ժողովրդավարական» կուսակցությունները հուշագիր ստորագրեցին ու որոշեցին առաջիկա արտահերթ ընտրություններին մասնակցել միասնական ցուցակով:
«Մեր ուժը դրսևորելու է կամք, սկզբունքայնություն և մինչև վերջ գնալու ցանկություն…Մեր աշխարհայացքով հայամետ ենք»,- ընդգծեց Շիրինյանը:
«Ինչը մեզ բերեց «Հանուն Հանրապետության» կուսակցության հետ կոնսենսուսի: Բազմաթիվ կուսակցություններ կան, բայց կուսակցության կա, որտեղ մարդ էլ չկա: Մենք բացահայտեցինք, որ «Հանուն հանրապետության» կուսակցության հետ ունենք աշխարհայացքի ընդհանուր մոտեցում: Մենք մեր երկրում հայտարարում ենք՝ ոչ թե պարտադրելու ենք ազգայինների, ապազգայինների անհեթեթ բևեռացումը, այլ խորհրդարանական կառուցվածք՝ աջեր, ձախեր… Մենք աջ կենտրոնի ժողովրդական կուսակցություն ենք: Այստեղ որևէ տարաձայնություն չի եղել, տակտիկական հարցեր, մանրուքներ կարող են լինել»,- նշեց Շիրինյանը:
«Մենք գողապետության շրջանի որևէ կառույցի հետ չենք կարող համագործակցություն ունենալ, դա բացառվում է: Մենք այն ուժն ենք լինելու, որ Հայաստանի արդիականացման խնդիրն է դնելու: Մենք ոչ միայն ռաբիսը պիտի պայքարենք վերացնելու համար, այլ քաղաքական ռաբիսը պիտի ոչնչացնենք Հայաստանում, ինչին մեզ սովորեցրել են: Վիճակը ծանր է, բայց դա չի նշանակում, որ ելք չկա»,- ընդգծեց Շիրինյանը՝ հավելելով, որ իրենք պետությանը կայունություն հաղորդող ուժ են լինելու:
Մանրամասները՝ տեսանյութում:
