09.09.2026 | 18:30
Թմրանյութ կուլ տալով փախե՞լ է, թե՞ խոշտանգվել․ փաստաբանի ահազանգի հետքերով․ ՏԵՍԱՆՅՈւԹ
Թուրքիայի մի խումբ քաղաքացիներ ապաստան են խնդրել Հունաստանից
Քաղաքականություն
20.02.2018 | 13:39
Թուրքիայի 17 քաղաքացի քաղաքական ապաստան է խնդրել Հունաստանի իշխանություններից. փոխանցում է EH-ն:
Ըստ թուրքական «Habersol» լրատվական կայքի՝ նշյալ քաղաքացիները Թուրքիայից անցել են Հունաստանին պատկանող Ինուսես կղզի։
Թուրքական աղբյուրը նշում է, որ վերոնշյալ մարդիկ պետծառայողներ են։ Վերջիններս արդեն հասցրել են ցուցմունք տալ։
Թուրքական աղբյուրը չի նշում, թե ինչ պատճառով են Թուրքիայի քաղաքացիները ապաստան խնդրել Հունաստանից։
Հունական «Kathimerini» թերթը տեղեկացրել է, որ միայն 2017 թվականին Հունաստանից 800 Թուրքիայի քաղաքացի ապաստան է խնդրել։
Հիշեցնենք, որ 2016թ. Թուրքիայում տեղի ունեցած ռազմական հեղաշրջման փորձից հետո մի խումբ թուրք զինվորականներ փախան Հունաստան և ապաստան խնդրեցին տեղի իշխանություններից։ Դրանցից մի մասը արտահանձնվել են Թուրքիային, իսկ որոշ զինվորականների արտահանձման հարցը դեռ լուծված չէ։ Հունական կողմը Թուրքիայի իշխանություններից երաշխիքներ է պահանջում, որ զինվորականները Թուրքիայում արդար կդատվեն։
