26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Հնդկաստանում փոթորկում է վերջին 20 տարվա ընթացքում գրանցված ամենահզոր ցիկլոնը․ կան զոհեր ու ավերածություններ
Քաղաքականություն
18.05.2021 | 12:25
Հնդկաստանի արևմուտքում փոթորկում է վերջին 20 տարվա ընթացքում գրանցված ամենահզոր «Tauktae» ցիկլոնը․ քամու պոռթկումները տեղ-տեղ հասնում են մինչև 210 կմ/ժ-ի։ Սա հանգեցրել է շենքերի, ճանապարհների հեղեղմանն ու փլուզմանը։ Տարհանվել է 200 հազար մարդ, գրում է Reuters-ը։
Տարածաշրջանում փակ են նավահանգիստներն ու օդանավակայանները։ Նախնական տեղեկությունների համաձայն՝ առնվազն 16 մարդ զոհվել է, ևս 127 մարդ համարվում է անհետ կորած։
Հեղեղված ճանապարհները բարդացնում են կորոնավիրուսով հիվանդների համար հիվանդանոցներ թթվածին հասցնելուն։
Հնդկաստանի ռազմածովային ուժերը հայտարարել են, որ Մումբայի ափի մոտ լողացող նավից փրկել են 146 մարդու։
Հնդկաստանի օդերևութաբանական ծառայությունից կանխատեսում են, որ ցիկլոնը կսկսի թուլանալ արդեն այսօր՝ մայիսի 18-ին։
Տաթև Ֆռանգյան
