17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Հրաձգության առաջնություն ՀՀ ոստիկանությունում
Հասարակություն
17.05.2021 | 16:32
Ոստիկանի մասնագիտության բնույթն ու գործառնական պարտականությունների պատշաճ կատարումը պահանջում են ոչ միայն լինել գրագետ, ֆիզիկապես պատրաստված, այլև տիրապետել զենքի կիրառման կանոններին, կարողանալ դիպուկ կրակել։ Այդ նպատակով ամեն տարի մարտական և ֆիզիկական պատրաստականության դիֆերենցված ստուգարքներ հանձնելուց զատ, ոստիկանները մասնակցում են նաև հրաձգության առաջնությունների. տեղեկացնում են ՀՀ ոստիկանությունից:
Այս տարի Երևան քաղաքում ոստիկանության հրաձգության հերթական առաջնությունն անցկացվեց մայիսի 12-ից 14-ը։ Մրցույթին մասնակցում էին ոստիկանության ստորաբաժանումների հավաքականները։
Թիմային հաշվարկում հաղթողի կոչումը նվաճեց ոստիկանության զորքերի թիմը: Երկրորդ և երրորդ տեղերը զբաղեցրին ՊՊԳՎ և ոստիկանության շտաբի հավաքականները:
Առաջնության հաղթողներն ու մրցանակակիրները պարգևատրվեցին դիպլոմներով ու դրամական պարգևներով:
