17.09.2026 | 11:34
Համաշխարհային օլիմպիադա. Շախմատի Հայաստանի հավաքականների երկրորդ մրցակիցները
Դավիթ Գալստյանը՝ «Պատրոն Դավոն» ազատ արձակվեց
Հասարակություն
17.05.2021 | 11:59
Վերաքննիչ դատարանի որոշմամբ այսօր ազատ արձակվեց զենք-զինամթերքի առևտրով զբաղվող Դավիթ Գալստյանը՝ («Պատրոն Դավոն»)։
Նշենք, որ պաշտպանական կողմը բողոքարկել էր Գալստյանին կալանավորելու վերաբերյալ առաջին ատյանի դատարանի որոշումը վերաբերյալ, և բողոքն այսօր բավարարվեց։
Հիշեցնենք՝ Դավիթ Գալստյանը ձերբակալվել էր փետրվարի 1-ին, իսկ փետրվարի 2-ին՝ կալանավորվել։ ՀՀ ԱԱԾ-ն տեղեկացրել էր, որ արտերկրում գրանցված «Mosston Engineering» ընկերության խորհրդի նախագահ Դավիթ Գալստյանը, նախնական համաձայնության գալով նույն ընկերության տնօրեն Ա.Բ.-ի հետ, 2018 թվականի ընթացքում ՊՆ-ին է մատակարարել 1983-1986թթ. արտադրության հրանոթի անորակ արկեր, որոնցով, ըստ ԱԱԾ-ի, հնարավոր չի եղել լուծել մարտական խնդիրներ, բայց որոնց դիմաց Գալստյանը 1.083.000 դոլար գումար է ստացել:
Դավիթ Գալստյանն իր հերթին հայտարարություն էր տարածել՝ նշելով, որ իրականում մատակարարվել է պայմանագրով նախատեսված տեսականուն և տարեթվերին արտադրված զինամթերք, ինչի ապացույցները խոստացել է ներկայացնել ապագայում։
