Քաղաքականություն
15.05.2021 | 19:11
Ադրբեջանի ԱԳ նախարարությունը սահմանին իրադրության հետ կապված ՀԱՊԿ-ին դիմելու՝ Հայաստանի որոշումը հարցի քաղաքականացման փորձ է որակել։ ՏԱՍՍ-ի փոխանցմամբ՝ այս մասին Ադրբեջանի ԱԳ նախարար Ջեյհուն Բայրամովը հայտարարել է տաջիկ գործընկեր Սիրոջիդդին Մուխրիդդինի հետ հեռախոսազրույցում։
«Ջեյհուն Բայրամովը ՀԱՊԿ-ում ներկայում նախագահող Տաջիկստանի ԱԳ նախարարի ուշադրությունն է հրավիրել այն հանգամանքի վրա, որ Հայաստանի կողմից հայ-ադրբեջանական սահմանին իրադրության հարցով ՀԱՊԿ-ին դիմելը ոչ մի հիմնավորում չունի, և դա ոչ այլ ինչ է, քան Հայաստանի ղեկավար շրջանակների կողմից խնդիրը քաղաքականացնելու փորձ»,- ասվում է հաղորդագրությունում։
