07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
6 ամիսների ընթացքում ի՞նչ եք արել, որ չեք կահավորել․ Իշխանասարը սովորական բլուր չէր․ Աննա Գրիգորյան․ ՏԵՍԱՆՅՈՒԹ
Տեսանյութեր
14.05.2021 | 20:37
ԱԽ քարտուղարն ասում է, որ այս իրադարձությունները հնարավոր են եղել, որովհետև կահավորված առաջնագիծ չենք ունեցել. իսկ կարելի՞ է հասկանալ, թե այս 6 ամիսների ընթացքում ոնց է հնարավոր եղել, որ կահավորված առաջնագիծ չենք ունեցել, այն էլ այսպիսի կարևոր հատվածներում: Այս մասին ԱԺ արտահերթ նիստում նշեց ԱԺ պատգամավոր Աննա Գրիգորյանը:
«Մենք հասկանում ենք, որ Իշխանասարը սովորական բլուր չէր, ինչպես ոմանք են փորձում նշել: Այն ստրատեգիական կետ էր, և մենք պարտավոր էինք անվտանգությունն այդ հատվածում ապահովել: Ես չեմ հասկանում, երբ մեր տարածքային ամբողջականության նկատմամբ ոտնձգություն է տեղի ունենում զինված ադրբեջանցիների կողմից, մենք այդ մարդկանց հետ ի՞նչ ենք բանակցում: Ուզում եմ հստակ ասվի՝ նրանց կողմից որևէ նախապայման դրվել է, թե չի դրվել»,- նշեց պատգամավորը:
Դիմելով «Իմ քայլի» պատգամավոր Անդրանիկ Քոչարյանին, Գրիգորյանը նշեց. «Խոսում եք, որ չպետք է մեդիատեռորի ենթարկել ժողովրդին: Ես ձեզ հետ համաձայն եմ: Այսօր էլ կոչեր են հնչում միասնականության և դուք հենց այս ամբիոնից խոսում եք Սյունիքի համայնքապետերի մասին: Դուք գիտե՞ք՝ Սյունիքի համայնքապետերն ինչով են զբաղված եղել ինչպես պատերազմի ժամանակ, այնպես էլ պատերազմից հետո: Դուք տեղյակ եք, չէ՞, գոնե դա հաշվի անելով, կխնդրեի գոնե մի քիչ ավելի համեստ ձևակերպումներով հանդես գալ»:
«Ինձ համար ակնհայտ է, որ նման իրավիճակները շարունակական են լինելու, քանի դեռ այս իսխանությունն է մեր ղեկավարությունը»,- իր խոսքն այսպես եզրափակեց պատգամավորը:
