30.06.2026 | 14:28
Մոսկովյան պուրակը կբարեկարգվի. նվեր Երևանին` IDBank-ի 35-ամյակի առթիվ
Չի կարելի ասել,որ Ադրբեջանը մեզ պատերազմ է հայտարարել, ոչ մի կրակոց չի եղել Սյունիքում. Ալեն Սիմոնյան. ՏԵՍԱՆՅՈՒԹ
Քաղաքականություն
14.05.2021 | 16:56
Սյունիքի մարզում՝ Սև լճի մերձակայքում, ստեղծված իրավիճակն արագ արձագանքման և լուծման կարիք ունի: Այդ մասին ԱԺ-ում լրագրողների հետ ճեպազրույցում նշեց ԱԺ նախագահի տեղակալ Ալեն Սիմոնյանը:
Սիմոնյանը նշեց, որ խնդիրն առնչվում է Հայաստանի սուվերեն տարածքին, ուստի Հայաստանը պաշտոնապես դիմել է ՀԱՊԿ-ին, քանի որ սա համարվում է նաև ՀԱՊԿ տարածք, և նրանց արձագանքը և քայլերը շատ կարևոր են:
Այս պահին արդեն փաստաթղթերը մուտք են արվում ՀԱՊԿ համապատասխան խողովակներով։ Հայաստանի Հանրապետությունը պաշտոնապես դիմել է ՀԱՊԿ-ին, իսկ վարչապետը դիմել է Ռուսաստանի Դաշնության նախագահին փոխհամաձայնության պայմանագրի շրջանակներում ռազմական օգնության հարցով։
Երեկ իրավիճակն այլ էր, մի քանի ժամ առաջ՝ այլ։ Երեկ մենք սպասում էինք, որ ադրբեջանական զորքերը հետ կգնան, և դրա հետ կապված քննարկումներ փոխհամաձայնություններ կային։ Այսօր տեղաշարժ չկա, ուստի դրանից ելնելով էլ՝ վարչապետը դիմել է Ռուսաստանի Դաշնությանը մեր պայմանագրի շրջանակում օգնության հարցով»,- նշեց Սիմոնյանը։
Հարցին, թե հնարավո՞ր է ասել, որ Ադրբեջանը պատերազմ է հայտարարել Հայաստանին, Սիմոնյանը պատասխանեց, որ այս պահին նման բան ասել չի կարելի․ «Որևիցէ կրակոց և ընդհարում այս պահին չի եղել, և տարբեր տեղաշարժեր տեղի են ունենում նաև այնտեղ, և այս պահին նման հայտարարություն անելն անընդունելի է»։
Մանրամասները՝ տեսանյութում:
