25.08.2026 | 15:34
Կրիչներ են առգրավել, էական բան չկա. Էրիկ Ալեքսանյան․ ՏԵՍԱՆՅՈՒԹ
Ադրբեջանցիները չեն նահանջել Սյունիքից․ Ավինյանը՝ ՀՀ պաշտպանությանը պատրաստ լինելու մասին․ Լուրեր
Քաղաքականություն
14.05.2021 | 15:09
Ադրբեջանցիները դեռևս Սյունիքում են, իրենց զբաղեցված հատվածում և սպասում են իրենց վերադասի հրահանգին։ Այս մասին Factor TV-ի հետ զրույցում տեղեկացրին ՊՆ-ից։ Երեկ ուշ երեկոյան Խնձորեսկի տարածքում հայկական և ադրբեջանական կողմերի միջև եղել են բանակցություններ, որոնց ժամանակ հայկական կողմը ներկայացրել է իր դիրքորոշումը, որ այդ տարածքները հայկական են, և հայկական կողմը ոչ մի մետր մտադիր չէ թողնել իրենց։ Ըստ ՊՆ աղբյուրի՝ ադրբեջանցիները հայկական կողմի դիրքորոշումները հավանաբար կզեկուցեն իրենց վերադասին։
—
Փոխվարչապետի պաշտոնակատար Տիգրան Ավինյանը Գորիսում լրագրողներին ասել է, որ Սյունիքում ադրբեջանական կողմի հետ բանակցություններում դեռևս վերջնական արդյունքներ չկան։ Նա նշել է, որ ցանկանում են խաղաղ ձևով հանգուցալուծել իրավիճակը, սակայն պետք է պատրաստ լինել ոչ միայն Հայաստանի ինքնիշխան տարածքի պաշտպանությանը, այլ նաև նման վատ սցենարի դեպքում` դաշնակիցների աջակցությանը։
—
Վարչապետի պաշտոնակատար Նիկոլ Փաշինյանը Ռուսաստանի նախագահի հետ հեռախոսազրույցի տեղեկացրել է Ադրբեջանի զինված ուժերի կողմից Հայաստանի սուվերեն տարածք՝ Սյունիքի մարզ ներխուժման հետևանքով ստեղծված իրավիճակի մասին: Հայկական կողմի հաղորդագրության համաձայն՝ զրուցակիցները համակարծիք են եղել, որ այս իրավիճակի լուծումը պետք է արտահայտվի ադրբեջանական զորքերի՝ ելման դիրքեր հետ վերադարձով: Ռուսական կողմի հաղորդագրության մեջ այս մասին հիշատակումը բացակայում է։
