02.05.2024 | 17:51
Իրավապաշտպաններն ու լրագրողները թիրախավորվում են ու հայտնվում խոցելի վիճակում․ Թագուհի Ղազարյան․ ՏԵՍԱՆՅՈՒԹ
Արա Այվազյանը ՀԱՊԿ գլխավոր քարտուղարին է ներկայացրել ՀՀ պետական սահմանին տեղի ունեցած միջադեպի հետևանքով ստեղծված իրավիճակը
Քաղաքականություն
13.05.2021 | 18:50
Մայիսի 13-ին ՀՀ ԱԳ նախարարի պաշտոնակատար Արա Այվազյանը հեռախոսազրույց է ունեցել ՀԱՊԿ գլխավոր քարտուղար Ստանիսլավ Զասի հետ: Այս մասին ասվում է ՀՀ ԱԳՆ տարածած հաղորդագրությունում։
«Նախարարի պաշտոնակատար Այվազյանը գլխավոր քարտուղար Զասին ներկայացրեց մայիսի 12-ից Հայաստանի պետական սահմանին տեղի ունեցած վերջին միջադեպի հետևանքով ստեղծված իրավիճակը: Արա Այվազյանը անթույլատրելի համարեց ՀԱՊԿ անդամ Հայաստանի Հանրապետության ինքնիշխան տարածքի նկատմամբ Ադրբեջանի կողմից ոտնձգության փորձը՝ նշելով, որ դա լուրջ սպառնալիք է նաև տարածաշրջանային անվտանգությանն ու կայունությանը:
Զրուցակիցները մտքեր փոխանակեցին նմանօրինակ իրավիճակներում Հավաքական անվտանգության պայմանագրի դրույթների և ՀԱՊԿ կանոնադրությամբ նախատեսված գործիքակազմի կիրառման շուրջ»,- ասվում է հաղորդագրությունում:
